اوقاتِ عبادت پہچاننا ہر مسلمان پر فرض عین ہے

ہرعاقِل بالغ کو نمازوں کے وقتوں کا خیال رکھناضروری ہے۔ بعض نمازی اِس کی بالکل پروا (care)نہیں کرتے،کون سی نماز کا وقت کب تک ہے؟لوگوں کو مَعْلُوم  ہی نہیں ہوتا، بعض اوقات لوگ سورج طلوع (Sunrise)ہو چکا ہوتا ہےیعنی  فجر کا وقت نکل جاتا ہے پھر بھی نمازِ فجر ادا کر رہے ہوتے ہیں۔  میرے آقا اعلیٰ حضرت   رَحمۃُ اللہ  عَلَیْہ    فرماتے ہیں:وقت پہچاننا  یعنی نماز،روزے وغیرہ کے اوقات کی معلومات رکھنا تو ہر مسلمان پر فرضِ عین (یعنی ہر عاقل و بالغ مسلمان پر ضروری )ہے۔^([1])

اللہ  کے ہاں عظمت والے لوگ

صحابئ رسول،حضرت ابو دَردا  رَضِیَ اللہ  عنہ    نے اپنے اَحباب یعنی دوستوں سے فرمایا: اگر تم چاہو تو میں ضَرور قسم کھاؤں گا،پھر فرمایا:اللہ  کی قسم!جس کے سوا کوئی عبادت کے لائق نہیں،بے شک اللہ  پاک کی بارگاہ میں سب بندوں سے زِیادہ عظمت والے لوگ وہ ہیں جو رات دن سورج اور چاند کا دِھیان رکھتے ہیں ۔احباب نے عرض کی: اے ابودردا! کیا اِس سے مُؤَذِّن مراد ہیں؟ فرمایا: بلکہ جو بھی مسلمان نماز کے وقت کا خیال رکھتا ہے۔ ^([2])

ہمیں چاہیے کہ نمازوں کے اوقات کا لحاظ رکھا کریں۔ آج کل نمازوں کے اَوْقات کا لحاظ رکھنے کا ایک آسان انداز یہ ہے کہ اپنے موبائل میں Prayer Time Application انسٹال کر لیں،  یہ دعوتِ اسلامی کے آئی ٹی ڈیپارٹمنٹ کی طرف سے جاری کی گئی بہت ہی