Bila Hisab Jannat Delane Wale Aamal

prayer on time)۔ مسلمانوں کی پیاری امی جان حضرت عائشہ صِدِّيقَہ طَيِّبَہ طَاہِرَہ رَضِیَ اللہ عنہ ا سے روایت ہے، اللہ پاک کے آخری نبی،رسول ہاشمی صَلَّی اللہ عَلیہ وَآلہٖ و َسَلَّم فرماتے ہیں:اﷲ پاک فرماتا ہے: میرے بندے کا میرے ذِمۂ کرم پر عہد ہے کہ اگر وہ وقت میں نماز قائم رکھے تو میں اسے عذاب نہ دوں اور بے حساب جنّت میں داخل کروں۔^{(^[1])}

پڑھتے رہو نماز کہ جنّت میں جاؤ گے ہوگا وہ تم پہ فضل کہ دیکھے ہی جاؤ گے

اس حدیث قدسی سے چند باتیں معلوم ہوئیں:* پہلی بات: یہ کہ وقت پر نماز کی پابندی کرنے والے کو اللہ پاک عذاب نہیں فرمائے گا* دوسری بات: یہ کہ وقت پر نماز اد اکرنا بغیر حساب کے جنّت میں لے جانے والا عمل ہے * تیسری بات:یہ کہ نماز پڑھنا بڑی فضیلت والا عمل ہے* چوتھی بات:یہ کہ ہر مسلمان کو نماز کے اوقات کا خیال رکھنا چاہئے،تاکہ وقت پر نماز ادا کی جا سکے۔

نماز وقت باندھا فرض ہے

پیارے اسلامی بھائیو! یاد رکھیے! نماز وقت باندھا فرض ہے۔ یعنی ہر نماز کا الگ الگ وقت مقرَّر ہے، نماز ہمیشہ اسی وقت ہی میں ادا کرنی ہوتی ہے۔ ایک مشہور آیت مبارکہ ہے جو مسجدوں میں بھی لکھی ہوتی ہے بلکہ مسجدوں کے کلاک(Clock)پر بھی لکھی ہوتی ہے۔پارہ:5، سورۂ نساء کی آیت نمبر 103 ہے۔اللہ پاک ارشاد فرماتا ہے:

اِنَّ الصَّلٰوةَ كَانَتْ عَلَى الْمُؤْمِنِیْنَ كِتٰبًا مَّوْقُوْتًا(۱۰۳)

تَرْجمۂ کَنْزُالعِرْفان: بیشک نماز مسلمانوں پر مُقَرَّرَہ وقت میں فرض ہے۔

[1]...معجم اوسط، جلد:3، صفحہ:334، حدیث:4764ملتقطاً۔

Important

Mobile Apps

Contact Us