اٰمِیْن بِجَاہِ خَاتَمِ النَّبِیّٖن  صَلَّی اللہ  عَلیہ وَآلہٖ و َسَلَّم    

صَلُّوْا عَلَی الْحَبِیْب!                                               صَلَّی اللہ  عَلٰی مُحَمَّد

پیارے اسلامی بھائیو! بیان کو اختتام کی طرف لاتے ہوئے سُنّت کی فضیلت اور چند آدابِ زندگی بیان کرنے کی سَعَادت حاصِل کرتا ہوں۔ پیارے آقا  صَلَّی اللہ  عَلیہ وَآلہٖ و َسَلَّم  نےفرمایا: مَنْ اَحَبَّ سُنَّتِی فَقَدْ اَحَبَّنِی وَمَنْ اَحَبَّنِی كَانَ مَعِیَ فِی الْجَنَّةِ جس نے میری سُنّت سے محبّت کی اس نے مجھ سے محبّت کی اور جس نے مجھ سے محبّت کی وہ جنّت میں میرے ساتھ ہو گا۔^([1])

سینہ تیری سُنّت کا مدینہ بنے آقا!         جنت میں پڑوسی مجھے تم اپنا بنانا

  حُسنِ اخلاق سُنَّتِ مصطفےٰ ہے

2فرامینِ مصطفےٰ  صَلَّی اللہ  عَلیہ وَآلہٖ و َسَلَّم  : (1): ایمان میں زیادہ کامل وہ ہیں جن کے اخلاق اچھے ہوں۔^([2])(2): حُسنِ اخلاق  سے بہتر مسلمان کو کوئی چیز نہیں دی گئی۔^([3])

اے عاشقانِ رسول! حُسْنِ اخلاق سُنّتِ مصطفےٰ ہے۔*حضورِاقدس  صَلَّی اللہ  عَلیہ وَآلہٖ و َسَلَّم   ہر ایک کے ساتھ خوش اخلاقی اور ملنساری کا برتاؤ فرماتے* نہ کبھی ڈانٹتے، نہ جھڑکتے *صحابۂ کرام  رَضِیَ اللہ  عنہ م کو دیکھ کر مسکراتے،ان سے، ان کے بچوں سے خوش طبعی فرماتے، بچوں کو گود مُبَارَک میں بٹھالیتے *مریضوں کی عیادت فرماتے  *مجلس میں کبھی پاؤں پھیلا کر نہ بیٹھتے *سلام میں پہل فرماتے * سب کو اچھے نام سے پکارتے *دوسرے کی بات نہ کاٹتے تھے۔