ہے لہٰذا آئیے 27 رجب شریف کے روزے کے فضائل سنتے ہیں: * حضرت ابوہریرہرَضِیَ اللہ  عنہ فرماتے ہیں: جو کوئی 27 رجب کا روزہ رکھے،اللہ  پاک اُس کے لیے ساٹھ مہینوں کے روزوں کا ثواب لکھے گا۔^([1]) * حضرت سلمان فارسی رَضِیَ اللہ  عنہ سے مروی ہے : اللہ  پاک کے آخری نبی،مکی مَدَنی صَلَّی اللہ  عَلیہ وَآلہٖ و َسَلَّم نے فرمایا: رجب میں ایک دن اور رات ہے جو اُس دن روزہ رکھے اور رات کو قِیام (عبادت ) کرے تو گویا اُس نے سو سال کے روزے رکھے اور یہ رَجَب کی ستائیس تاریخ ہے۔^([2])

صَلُّوْا عَلَی الْحَبِیْبِ!                                               صَلَّی اللہ  عَلٰی مُحَمَّد

رَجَب میں پڑھی جانے والی دُعا

پیارے اسلامی بھائیو! رَجَب شریف کا مبارک مہینا جاری و ساری ہے، نبیوں کے نبی، رسولِ ہاشمی، مکی مدنی، مُحَمَّد عربی  صَلَّی اللہ  عَلیہ وَآلہٖ و َسَلَّم    کا انداز مبارَک تھا کہ ماہِ رجب تشریف لے آتا تو یہ دُعا پڑھا کرتے:

اَللّٰہُمَّ بَارِکْ لَنَا فِی رَجَبٍ وَّ شَعْبَانَ وَبَلِّغْنَا رَمَضَان

ترجمہ: اے اللہ  پاک! تُو ہمارے لیے رجب اور شعبان میں برکتیں عطا فرما اور ہمیں رمضان تک پہنچا۔^([3])

آئیے! ہم بھی یہ دُعا پڑھ لیتے ہیں:

اَللّٰہُمَّ بَارِکْ لَنَا فِی رَجَبٍ وَّ شَعْبَانَ وَبَلِّغْنَا رَمَضَان