عرض کی: یارسولَ اللہ   صَلَّی اللہ  عَلیہ وَآلہٖ و َسَلَّم  ! *  میں اپنے رشتہ داروں سے صِلۂ  رَحمی کرتا ہوں لیکن وہ مجھ سے تَعَلُّق  توڑتے ہیں*  میں ان کے ساتھ حُسنِ سلوک سے پیش آتا ہوں لیکن وہ مجھ سے بُرا سلوک کرتے ہیں* میں ان کے ساتھ بردباری (Forbearance) سے پیش آتا ہوں لیکن وہ مجھ سے جاہلانہ برتاؤ کرتے ہیں۔ آپ  صَلَّی اللہ  عَلیہ وَآلہٖ و َسَلَّم   نے ارشاد فرمایا: اگر مُعَاملہ  اِسی طرح ہے جیسے تُو کہہ رہا ہے تَوتیرے ساتھ اللہ  پاک کی طرف سے ایک مددگاررہے گا جب تک تو اس حال پر رہےگا۔^([1])

(5):قَنَاعت

پیارے اسلامی بھائیو! بِلاحساب جنّت دِلانے والا ایک عمل قَنَاعت (Contentment) بھی ہے۔

حضرت ابو ہریرہ  رَضِیَ اللہ  عنہ   سے روایت ہے کہ نبی پاک  صَلَّی اللہ  عَلیہ وَآلہٖ و َسَلَّم   نے فرمایا: مَنْ هُدِيَ بِالْاِسْلَامِ جسے اسلام کی ہدايت دی گئی وَقَنَعَ بِمَا آتَاهُ اللهُ تَعَالىٰ اور وہ اللہ  پاک کے دیئےہوئے پر قَنَاعت اختیار کرے ‌دَخَلَ ‌الْجَنَّةَ ‌بِغَيْرِ ‌حِسَابٍ تو وہ قناعت کرنے والا بغیر حساب کے جنت میں داخل ہو گا۔^([2])

قَنَاعت کہتےکسے ہیں؟

حضرت علامہ عبد المصطفی اعظمی  رَحمۃُ اللہ  عَلَیْہ    فرماتے ہیں:انسان کوجوکچھ اللہ  پاک کی طرف سے مل جائے،اس پر راضی ہو کر زندگی بسر کرتے ہوئے، حِرص اور لالچ کے چھوڑ دینے کو قَنَاعت کہتے ہیں۔ قَنَاعت  کی عادت انسان کے لیے اللہ  پاک کی بہت بڑی نعمت