حضرت امير معاويه رَضِىَ اللهُ عَـنْهُ زمونږه د خوږې مور جانې ورور دے، ځکه علمائے کرام هغوئي ته خَالُ المُسلِمِين (يعنې د مسلمانانو ماما ) وائي۔

* حضرت امير معاويه رَضِىَ اللهُ عَـنْهُ د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د نبوت د اِعلان فرمائيلو نه 5 کاله مخکښې پۀ مکه مکرمه کښې دُنيا ته تشريف راوړلو * هغوئي پۀ قد مبارک کښې دَنګ وو * رنګ يـې سپين او ښکلے وو * شخصيت يـې رُعب دار وو * عَلّامه حُسَين بن محمد دِيار بَکري رَحْمَةُ اللهِ عَلَيْه فرمائي: حضرت امير معاويه رَضِىَ اللهُ عَـنْهُ رُعب او دبدبے والا، دُور انديش، بهادر، سخي او بردباره بادشاه وو * حضرت امير معاويه رَضِىَ اللهُ عَـنْهُ د صلح حُدَيبيه پۀ ورځ يعنې پۀ 6 هجرۍ کښې اِسلام قبول کړو۔ ^([1])

د صحابۀ کرامو عَليهمُ الرّضوَان شان

خوږو او محترمو اِسلامي وروڼو! حضرت امير معاويه رَضِىَ اللهُ عَـنْهُ صحابئ رسول دے او اَلْحَمْدُ لِلّٰہ! ټول صحابۀ کرام رَضِىَ اللهُ عَـنْهُم ډير د اوچتې مرتبې والا، ډير د لوئي شان والا دي۔ پۀ قرآنِ کريم کښې د دې ټولو سره د جَنَّت وعده فرمائيلے شوې ده۔ اِرشاد دے:

وَ كُلًّا وَّعَدَ اللّٰهُ الْحُسْنٰى (پارہ:27، سورۀ حدید:10)

ترجمهٴ کنزُ العِرفان: او دې ټولو سره الله د ټولو نه د ښۀ څيز وعده فرمائيلې ده۔

معلومه شوه چې ټول صحابۀ کرام رَضِىَ اللهُ عَـنْهُم جنتيان دي۔ ^([2])