Book Name:Shan o Ausaf e Muaviya
وضاحت: با خُدا: يعنې پۀ خدائے مې دې قَسم وي۔ با صفا: يعنې پۀ باطني خوبيانو ښکلے۔
صَلُّو ْا عَلَي الْحَبيب! صَلَّي الله عَلٰي مُحَمَّد
خوږو او محترمو اِسلامي وروڼو! خوږو او محترمو اِسلامي وروڼو! د حضرت امير معاويه رَضِىَ اللهُ عَـنْهُ د دې مبارک عمل نه دوه خبرې د زدکړې د پاره ميلاؤ شوې: (1): وړومبے دا چې هغوئي د نيکۍ د دعوت ورکولو ډير حرص لرلو او اوس د کمال خبره دا ده چې صرف پۀ خُله باندې د وئيلو تر حده پورې به يـې دعوت نۀ ورکولو بلکې پۀ عمل کولو به يـې هم دعوت ورکولو، هغوئي پۀ منبر باندې پۀ کيناستو پخپله پۀ عملي توګه د اذان جواب ورکړو، بيا يـې د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ادا بيان کړه چې لکه څنګه ما اوکړل ، هم دا د رسولِ ذِيشان صَلَّى اللهُ عَلَيْهِ وَاٰلِهٖ وَسَلَّم عمل مبارک دے، ځکه اے عاشقانِ رسول! تاسو هم د اذان جواب ورکوئ!
(2): دويمه خبره د زدکړې د پاره دا ميلاؤ شوه چې د اذان جواب ورکول د رسولِ اَکرم صَلَّى اللهُ عَلَيْهِ وَاٰلِهٖ وَسَلَّم پاکه ادا هم ده او ډير د ثواب کار هم دے۔
عام طور دلته د دې اسانې نيکۍ طرف ته توجه نۀ کيږي، اذان کيږي خلق پۀ خپلو کارونو کښې، خبرو وغيره کښې مصروف وي۔ دا ښه خبره نۀ ده۔ پۀ بهارِ شريعت کښې دي: کله چې اذان کيږي نو د هٰغه همره وخت د پاره سلام او کلام او د سلام جواب او ټول کارونه ودروئ د دې پورې چې تِلاوت هم، اذان پۀ غور سره واورئ او جواب يـې ورکړئ۔ د اذان پۀ وخت ګرځيدل، لوښي، ګلاس وغيره څۀ څيز اوچتول، خوراک وغيره کيښودل، د وړو ماشومانو سره لوبې کول، پۀ اِشارو سره خبرې کول وغيره هر څۀ ودرول مناسب دي۔([1])