Book Name:Shan o Ausaf e Muaviya
داسې نورې ډيرې معاملې دي کومې چې زمونږ پۀ نارمل ژوند کښې عام طور کيږي۔ کاش چې زمونږ د حِلم دولت نصيب شي، کاش چې مونږ غصه څښونکي جوړ شو، غصه قابو کوونکي جوړ شو۔
يو ځل يو کَس د حضرت امير معاويه رَضِىَ اللهُ عَـنْهُ سره سختې خبرې اوکړې نو چا ووئيل: که تاسو رَضِىَ اللهُ عَـنْهُ وغواړئ نو دۀ له عبرت ناکه سزا ورکولے شئ۔ پۀ دې باندې امير معاويه رَضِىَ اللهُ عَـنْهُ وفرمائيل: ما له د دې خبرې نه حيا راځي چې زما د رعايې د څۀ غلطۍ پۀ وجه زما حِلم او بُردباري کمه شي۔([1])
د حضرت امير معاويه رَضِىَ اللهُ عَـنْهُ پۀ بارګاه کښې پوښتنه وشوه: د ټولو نه لوئي سردار څوک دے؟ اوئې فرمائيل: کله چې ترې څۀ وغوښتے شي نو د ټولو نه زيات سخي وي، پۀ محفلونو کښې د ښو اخلاقو پۀ لحاظ سره ښۀ وي او هغه چې څومره هم کم تر وګڼلے شي نو هُم هٰغه همره د حِلم او بردبارۍ نه کار اخلي۔([2])
د صحابئ رسول، حضرت امير معاويه رَضِىَ اللهُ عَـنْهُ پۀ وسيله دې الله پاک زمونږه هم د حِلم دولت نصيب کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔
صَلُّو ْا عَلَي الْحَبيب! صَلَّي الله عَلٰي مُحَمَّد
خوږو او محترمو اِسلامي وروڼو! د حضرت امير معاويه رَضِىَ اللهُ عَـنْهُ دويم ښکلے او اهم صفت