سُبْحٰنَ اللہ! خوږو او محترمو اِسلامي وروڼو! غور اوکړئ چې د حِلم (يعنې د بردبارۍ، د برداشت  د طاقت) څومره اعلیٰ فضيلتونه دي۔ خو افسوس چې نن سبا دلته د برداشت  طاقت بالکل ورځ پۀ ورځ کميږي۔ پۀ معمولي معمولي خبره باندې خلق د غصې نه تَک سرۀ شي، د حده واوړې ، کنځلې کيږي، جنګ جګړې کيږي بلکې ډير ځل خو خبره د وژلو د حده پورې هم رسيږي۔

پۀ کورونو کښې وګورئ چې * که د ماشوم د لاس نه لوښے پريوځي او مات شي نو پۀ دې باندې مئيندې غصه کيږي، مور او پلار رټل شروع کړي * که پۀ غلطۍ سره چائے د لاس نه پۀ جامو باندې پريوځي نو بيا خو سَم قيامت راشي، که څۀ دستوره وغيره وي، پۀ هغې کښې داسې وشي نو بعضې وخت خو د دې پۀ وجه ټوله دستوره هم خرابيږي، پۀ دې معمولي خبره باندې دومره غصه کيږي چې د خوشحالۍ ښه ښکلے ماحول خراب کړي * که د کور ودانې نه څۀ غلطي وشي * اينګولے [يعنې ترکاري] وسوزي * مالګه زياته شي * جامې د استري کولو پۀ وخت وسوزي * پۀ جامو وينځلو کښې څۀ کمے راشي، معمولي شان داغ پاتې شي۔ دلته پۀ داسې وړو وړو خبرو باندې پۀ کورونو کښې جګړې کيږي، جنګونه کيږي * که د کشر ورور نه څۀ غلطي وشي * موټر سائيکل ترينه پريوځي * معمولي شان نقصان وشي * ماشوم دکان ته ليږلے شوے وي، د هغۀ نه پيسې وغورځيږي۔ بيا هغه داسې رټلے کيږي چې د الله پاک پناه۔۔۔!! * پۀ لاره د تللو پۀ وخت که د چا اوګه زمونږ سره وجنګيږي، خلق ګوريدل شروع کړي، بعضې وخت خو پۀ دې خبره باندې جګړه هم کيږي * که د چا ښپه زمونږ د ښپې د پاسه راشي نو برداشت کيږي نۀ * که موټر سائيکل والا د ګاډي سره وجنګيږي نو بيا فوراً پۀ غصه کښې بريک وهلے کيږي، ګير چاپيره خلق هم متوجه شي چې څۀ وشو؟ د موټر والا د غصې نه رنګ بدليږي رابدليږي او راکوز شي، بيا چې پۀ سړک باندې د کوم شرافت نه کار اخستے کيږي، د الله پاک پناه۔۔۔!!