د حِلم پۀ فضيلتونو باندې حديثونه مبارک

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! مونږ له هم حِلم اختيارول پکار دي!            * حِلم والا د الله پاک خوښ او محبوب بنده جوړيږي * فرښتے د حِلم والا مددګارې وي * د حِلم والا خلق تعريف کوي * او حِلم والا انسان اوچتو درجو ته رسي * سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم فرمائيلي دي: 5 څيزونه د انبيائے کرامو [علَيهِمُ السَّلام] سُنَّت دي، پۀ هغې کښې يو حِلم دے۔ ^([1])سرکارِ عالي وقار، مَدَني تاجدار صَلَّى اللهُ عَلَيْهِ وَاٰلِهٖ وَسَلَّم فرمائيلي دي: بے شکه الله پاک د حِلم والا خوښوي۔ ^([2]) * پۀ يو حديثِ پاک کښې دي: د قيامت پۀ ورځ به مخلوق جمع کړے شي، يو اعلان کولو به اعلان کوي: د فضل والا چرته دي؟ دا چې واوري نو څۀ خلق به راپاڅي او زر به د جنَّت طرف ته ورروان  شي، فرښتے به د هغوئي نه پوښتنه کوي؟ تاسو زر زر د جنَّت طرف ته ولې ځئ؟ هغوئي به وائي: هم مونږه د فضل والا يو۔ فرښتے به ترينه پوښتنه کوي: ستاسو فضيلت څۀ دے؟ هغوئي به وائي: چې کله پۀ مونږ باندې ظلم کيدلو نو مونږه به صبر کولو، زمونږ سره چې به بد سلوک کيدلو نو مونږ به معاف کول او چې کله به زمونږ سره چا د جهالت والا سلوک کولو نو مونږ به د حِلم مظاهره کوله۔ ^([3])

تُو عطا حِلْم کی بھیک کر دے                    میرے اخلاق بھی ٹھیک کر دے

تجھ کو فاروق کا واسطہ ہے                      یاخُدا! تجھ سے میری دُعا ہے^([4])

صَلُّو ْا عَلَي الْحَبيب!                                                                                              صَلَّي الله عَلٰي مُحَمَّد