ھَادِی و مَہْدِیْ بھی ہیں اور ہیں ذریعہ رُشْد کا اُن کے دُشمن کی کوئی نیکی نہیں ہر گز قبول

علمائے کرام فرمائي: خلق پۀ درې قِسمه دي: (1): ځينې هٰغه دي کوم چې پخپله پۀ هدايت باندې دي خو نورو ته هدايت نۀ کوي، څومره داسې بے نومه نيکان بندګان دي، کومو چې ځان د مخلوق نه لرې کړو، پۀ غارونو کښې اوسيږي او عبادت کوي، دوئي پخپله پۀ هدايت باندې دي خو نورو ته هدايت نۀ کوي۔ (2): ځينې هٰغه خلق دي کوم چې نورو ته هدايت کوي، د نيکۍ دعوت ورکوي، بيان کوي، درس ورکوي، ښې خبرې بيانوي خو هغوئي پخپله پۀ هدايت باندې نۀ وي، پخپله ګناهونه کوي۔ (3): دريم قِسم هٰغه خلق دي کوم چې پخپله هم پۀ هدايت باندې دي او نورو ته هم هدايت کوي۔ دا د ټولو نه افضل دي، خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د حضرت امير معاويه رَضِىَ اللهُ عَـنْهُ پۀ باره کښې دا دُعا اوکړه چې يا الله پاکه! معاويه د ټولو نه پۀ افضله درجه کښې وساتې! هغه هدايت يافته هم جوړ کړې او نورو ته هدايت کوونکے يـې هم جوړ کړې۔ ^([1]) 

د هادي او د هدايت يافته فضيلتونه

خوږو او محترمو اِسلامي وروڼو! مونږ ته دا خو پته ولګيده چې کوم بنده پخپله هدايت يافته وي او نورو ته هم هدايت  کوي (يعنې پخپله نيک وي او نورو ته د نيکۍ هدايت کوي)، هغه د دوه قِسمه خلقو نه افضل دے خو د دې بنده خپله درجه څۀ ده؟ راځئ چې دا خبره د رسول الله صَلَّى اللهُ عَلَيْهِ وَاٰلِهٖ وَسَلَّم د شهزاده يعنې د حُضُور غوثِ اعظم شيخ عبدُ القادر جيلاني رَحْمَةُ اللهِ عَلَيْه نه زده کړو۔ حضور غوثِ پاک، شيخ عبد القادر جيلاني رَحْمَةُ اللهِ عَلَيْه فرمائي: * دا کَس (کوم چې پخپله پۀ هدايت باندې وي او نورو ته د هدايت لار ښائي، دا) د الله پاک مَعرفت  لرونکے دے * دا هٰغه کس دے کوم چې الله پاک د خپلو آيتونو (يعنې نخښو) عالِم جوړ کړے دے * د دۀ پۀ زړۀ کښې د نادِر او نايابه عِلم ملغلرې