Book Name:Shan o Ausaf e Muaviya
چوندا آهيون. توهان به عاشقانِ رسول سان گڏجي علائقائي دورو ڪندا ڪريو! اِنْ شَآءَ اللہُ الْکَرِیْم! * نبين جي سنت تي عمل ڪرڻ جي سعادت حاصل ٿيندي * نيڪيءَ جي دعوت عام ڪرڻ جو ثواب ملندو * حديث پاڪ جي مطابق نيڪيءَ جو رستو ڏيکارڻ وارو،نيڪي ڪرڻ واري جهڙو آهي.([1]) * جيڪڏهن اسان جي نيڪيءَ جي دعوت سان ڪو هڪ شخص به نيڪ نمازي بڻجي ويو ته يقين ڪريو! ٻيڙا پار ٿي ويندا۔ اچو ته ترغيب جي لاءِ هڪ مدني بهار ٻڌون ٿا:
سنڌ جي شهر ٽنڊو آدم ۾ 3 ڏينهن جي لاءِ عاشقانِ رسول جو هڪ قافلو پهتو۔ نمازِ عصر کان پوءِ گونگا ۽ ٻوڙا اسلامي ڀائر عام اسلامي ڀائرن سان گڏجي علائقائي دوري لاءِ ويا. اُهي مسجد جي ويجهو هڪ ميدان ۾ ڪرڪيٽ کيڏڻ وارن نوجوانن وٽ پهتا ۽ انهن کي نيڪيءَ جي دعوت پيش ڪرڻ لاءِ ويجهو اچڻ جي درخواست ڪيائون۔ پوءِ هڪ عام اسلامي ڀاءُ ٻڌايو ته اسان سان گڏ گونگا ۽ ٻوڙا اسلامي ڀائر به آهن، جيڪي اوهان کي اشارن جي زبان ۾ نيڪيءَ جي دعوت پيش ڪندا۔ پوءِ هڪ گونگي ۽ ٻوڙي اسلامي ڀاءُ اشارن جي زبان ۾ نيڪيءَ جي دعوت پيش ڪئي ۽ اتي موجود ماڻهن کي مسجد ڏانهن گڏجي هلڻ جي دعوت به پيش ڪئي۔ عام اسلامي ڀاءُ به هن ريت ترغيب ڏياري ته هي اسلامي ڀائر ڳالهائڻ ۽ ٻڌڻ جي قوت کان محروم هوندي به نيڪيءَ جي دعوت ڏيڻ جي لاءِ نڪري پيا آهن، الله پاڪ اسان کي انهن نعمتن سان نوازيو آهي، جيڪڏهن اسان هنن جي دعوت تي مسجد ڏانهن هلنداسين ته اِنْ شَآءَ اللہُ الْکَرِیْم! هنن جي دل خوش ٿيندي۔ اِهو ٻڌي اُهي ڪرڪيٽ کيڏڻ وارا نوجوان ڪنڌُ جهڪائي مبلغ سان گڏ مسجد ڏانهن هليا آيا.
صَلُّوْا عَلَی الْحَبِیْب! صَلَّی اللہُ عَلٰی مُحَمَّد