ڪري. ^([1])

صحابيءِ رسول، حضرت امير معاويه رَضِىَ اللهُ عَنْهُ جي صدقي الله پاڪ اسان کي به حِلم جي دولت نصيب فرمائي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم۔

صَلُّوا عَلَی الْحَبیب! صَلَّی اللّٰہُ عَلٰی مُحَمَّد

سخاوت  جون  فضيلتون

پيارا اسلامي ڀائرو! حضرت امير معاويه رَضِىَ اللهُ عَنْهُ جي ٻي پياري ۽ اهم وصف آهي: جُود يعني سخاوت۔ هي به تمام اعليٰ ترين وصف آهي۔ سخاوت جي فضيلت تي 5 مبارڪ حديثون ٻڌو! (1): سخاوت جنت جي وڻن مان هڪ وڻ آهي، جنهن جون ٽاريون زمين ڏانهن جهڪيل آهن، جيڪو شخص انهن مان ڪنهن به ٽاري کي پڪڙي وٺندو آهي ته اُها ان کي جنت ڏانهن وٺي ويندي آهي.^([2]) (2): تَجَافَوْا عَنْ ذَنْبِ السَّخِیِّ فَاِنَّ اللّٰهَ اٰخِذٌ بِیَدِہٖ کُلَّمَا عَثَرَ يعني سخي جي غلطيءَ کي درگذر ڪريو، ڇوته هُو جڏهن به ڪا لغزش ڪندو آهي ته الله پاڪ سندس هٿ پڪڙي وٺندو آهي.^([3]) يعني الله پاڪ ان جو مددگار هوندو آهي ۽ ان کي هلاڪت ۾ پوڻ کان نجات عطا فرمائيندو آهي.^([4]) (3): * سخي الله پاڪ جي ويجهو آهي * جنت جي ويجهو آهي * ماڻهن جي ويجهو آهي * باھ کان پري آهي ۽ * ڪنجوس الله پاڪ کان پري آهي * جنت کان پري آهي * ماڻهن کان پري آهي * باھ جي ويجهو آهي ۽ جاهل سخي، الله پاڪ جي بارگاهه ۾ بخيل عالم کان بهتر آهي.^([5]) (4): اي انسان! جيڪڏهن تون بچيل مال خرچ ڪري ڇڏين ته اِهو تنهنجي لاءِ سٺو آهي ۽ جيڪڏهن ان کي روڪي ڇڏين ته تنهنجي لاءِ خراب آهي ۽ جيڪڏهن ضرورت جيترو پاڻ وٽ