Khai Walon Ka Waqia

کی خواہش ہوئی، چنانچہ مچھلی تلاش کی گئی مگر پُورے شہر میں کہیں مچھلی نہ مِلی، مجھے اللہ پاک نے حکم دیا کہ اُس کے لئے مچھلی کا انتظام کر دُوں تاکہ اس کی وہ جو ایک اچھائی باقی ہے، اس کا بھی بدلہ اس دُنیا ہی میں ہو جائے (اور وہ آخرت کے لئے بالکل کنگال اور خالی ہاتھ رہ جائے) چنانچہ میں اس غیر مسلم کے لئے مچھلی کا انتظام (Arrange) کرنے گیا تھا۔

اس فرشتے نے اپنی بات پُوری کرنے کے بعد دوسرے سے پوچھا: آپ کہاں جا رہے ہیں؟ کہا: فُلاں شہر میں ایک مسلمان ہے، اس کا بھی آخری وقت ہے، اُس کے جتنے گُنَاہ تھے، ان سب کے بدلے اسے آزمائشوں میں مبتلا کیا جا چکا ہے، اب اس کے اعمال نامے میں کوئی گُنَاہ باقی نہیں ہے، بَس ایک گُنَاہ رہتا ہے، اپنے آخری لمحات(Last Moments) میں اسے پیاس لگی ہے اور وہ پانی پینا چاہ رہا ہے، مجھے حکم دیا گیا ہے کہ اس کا پانی گِرا دُوں تاکہ اس آزمائش کے بدلے اس کا آخری گُنَاہ بھی مٹا دیا جائے اور وہ گُنَاہوں سے بالکل پاک صاف ہو کر دُنیا سے رُخْصت ہو...!!^{(^[1])}

سُبْحٰنَ اللہ! پیارے اسلامی بھائیو! کیا شان ہے میرے رحمٰن و رحیم رَبّ کی...!! ہم اُس کے بندے ہیں، وہ ہمیں خوشیاں عطا کرے یا آزمائش میں رکھے، یہ اس کی رضا ہے، ہر حال میں اس کا احسان ہی ہے مگر قربان جائیے! اس کی رحمت کتنی وسیع ہے، ہم گُنَاہ کرتے ہیں، خُود کو جہنّم کا حقدار بناتے ہیں اور ہمارا قادِر و قَیُّوم رَبّ ہم پر آزمائشیں بھیج کر ہمارے گُنَاہ مٹاتا اور ہمارے لئے جنّت کا راستہ آسان (Easy)بنا دیتا ہے۔

[1]...نوادر القلیوبی، الحکایۃ الثامنہ و الاربعون بعد المائۃ، صفحہ:113۔

Important

Mobile Apps

Contact Us