ستن آنڊن جي وضاحت

ھن حديث پاڪ مان اھا مراد نه آھي ته مسلمان کي ھڪ ۽ ڪافر کي ست آنڊا هوندا آهن، ھر ماڻھوءَ کي ست ئي آنڊا ھوندا آھن. ھتي ھن ڳالھ ڏانھن اشارو آھي ته گھڻو کائڻ ڪافرن جو ڪم آھي۔حُجَّۃُ الْاسلام امام محمد غزالي رَحْمَةُ الـلّٰـهِ عَـلَيْه اهڙي ئي هڪ حديث پاڪ جي شرح ۾ فرمائن ٿا ته منافق (يا ڪافر) جي کائڻ جو حِرصُ مومن جي مقابلي ۾ ست ڀيرا وڌيڪ ھوندو آھي.  ^[1]

کائڻ جا مقابلا

پيارا اسلامي ڀائرو! حديث پاڪ مان معلوم ٿيو ته ٿورو کائڻ مومن جي نشاني آھي ۽ گھڻو کائڻ غير مسلمن جي علامت آھي.

  افسوس! اڄڪلھ اسان وٽ فوڊ ڪلچر(Food culture)تمام گهڻو عام ٿي ويو  آھي، ”کائو، پيو ۽ جان بڻايو“ جو نعرو ھنيو ويندو آھي، جڏهن ته گهڻو کائڻ سان جان ٺھندي نه، پر رهندو بگڙندي آھي، پر هتي کائڻ پيئڻ جو ڄڻ ته مقابلو(Race) لڳو پيو آھي، کائڻ وارا تمام گهڻو کائيندا آهن، خوب پيٽ ڀري کائيندا آهن ۽ پوءِ ڊاڪٽرن (Doctors) جا چڪر لڳائيندا رهندا آهن. ڪن ھنڌن تي ته باقاعدي کائڻ جا مقابلا ٿيندا آهن ۽ انعام رکيا ويندا آھن ته جيڪو وڌيڪ کائيندو ۽ گھٽ وقت ۾ کائيندو، سو انعام ماڻيندو۔ پوءِ انعام جي لالچ ۾ ماڻھو جلدي جلدي کاڌو کائيندا نه آهن بلڪ وڏا وڏا گِرههَ بغير چٻاڙڻ جي نِڙِيءَ مان هيٺ لاهيندا ويندا آهن، ايترو سارو کاڌو، جڏھن بغير چٻاڙڻ جي پيٽ ۾ پھچندو آھي ته آنڊن تي تمام گهڻو بار وِجهندو آھي ۽ ماڻهو بيمار ٿي