کان وڌيڪ اڇو ۽ ماکيءَ کان وڌيڪ مٺو آھي، جيڪو رَجَب شريف جو ھڪ به روزو رکندو، الله پاڪ ان کي ان نھر مان سيراب ڪندو. ^([1])

نُوح عَلَیْہِ السَّلَام جي ٻيڙِيءَ ۾ رجب جي روزن جون بَهارُون

ھڪ حديث پاڪ ۾ آھي ته الله پاڪ جي پياري رسول، رسولِ مقبول صَلَّی اللہ عَلَیْہِ وَ آلِہٖ وَسَلَّم  فرمايو: *.. جنھن رجب جو ھڪ روزو رکيو ته اهو ھڪ سال جي روزن برابر هوندو *.. جنھن ست روزا رکيا، ان تي جھنم جا ست ئي دروازا بند ڪيا ويندا *.. جنھن اٺ روزا رکيا، ان جي لاءِ جنت جا اٺ ئي دروازا کوليا ويندا *.. جنھن ڏھ روزا رکيا، اُهو الله پاڪ کان جيڪو گھرندو الله پاڪ ان کي اُهو عطا فرمائيندو *.. ۽ جنھن پندرھن روزا رکيا ته آسمان مان ھڪ اعلان ڪرڻ وارو اعلان ڪندو ته (اي ٻانها!) تنھنجا اڳيان گناہه معاف ڪيا ويا، هاڻي تون نئين سِر عمل شروع ڪر ڇوته تنھنجيون برايون نيڪين ۾ تبديل ڪيون ويون آهن. پياري آقا، مڪي مدني مصطفيٰ صَلَّی اللہ عَلَیْہِ وَ آلِہٖ وَسَلَّم  وڌيڪ فرمايو: *.. جيڪو ان کان وڌيڪ ڪندو، الله پاڪ ان کي اڃان وڌيڪ ڏيندو *.. ۽ رجب ۾ نُوح عَلَیْہِ السَّلَام ٻيڙيءَ ۾ سوار ٿيا، انهن پاڻ به روزو رکيو ۽ ٻيڙيءَ ۾ موجود ماڻھن کي به روزي رکڻ جو حڪم ڏنائون. سندن ٻيڙي 10 محرم تائين مسلسل  6 مھينا سفر ۾ رھي. ^([2])