پيارا اسلامي ڀائرو! ڪاش! اسان کي به اختياري بک يعني ڄاڻي واڻي گهٽِ کائڻ جو خزانو نصيب ٿي وڃي.

حڪيم جَالِيۡنُوس جي طِبَ جو  خلاصو

  پيارا اسلامي ڀائرو! بک برداشت ڪرڻ يعني ڄاڻي واڻي بک کان گهٽ کائڻ جيڪڏهن سنت جي نيت سان هجي ته يقيناً ثواب به آھي ۽ دل ۾ نور به وڌائيندو آهي. گڏوگڏ ان جا دنياوي طور تي به ڪيترائي فائدا آھن۔ ڪجھ فائدا توهان به ٻڌي وٺو!

 تفسير قرطبي ۾ آھي: ھڪ دفعي ھڪ غير مسلم ڊاڪٽر حضرت امام زين العابدين   رَضِیَ اللّٰہ عَنْہُ       جي خدمت ۾ حاضر ٿيو ۽ چوڻ لڳو: علم ٻن قسم جو آھي:

 (1): عِلْمُ الْاَدْیَان (يعني ديني علم) ۽ (2): عِلْمُ الْاَبْدَان (يعني طِبَ جو علم).

توھان جي مذهبي ڪتاب قرآن ڪريم ۾ علمِ دين ته آھي پر طِب (يعني ڊاڪٽري جو علم) نه آھي۔ امام زين العابدين رَضِیَ اللّٰہ عَنْہُ     فرمايو: توھان پُوري قرآن جي ڳالھ ڪريو ٿا، قرآن جي صرف ھڪ آيت جي ھڪ حصي ۾ ئي سڄي طِب جو خلاصو بيان ڪيو ويو آھي، پوءِ پاڻ رَضِیَ اللّٰہ عَنْہُ   سيپارو: 8، سورت اعراف جي آيت نمبر: 31 جو ھي حصو تلاوت فرمايائون:

وَّ كُلُوْا وَ اشْرَبُوْا وَ لَا تُسْرِفُوْا ۚ-اِنَّهٗ لَا یُحِبُّ الْمُسْرِفِیْنَ۠(۳۱) (پارو: 8، سورة اعراف: 31)

ترجموڪنزالعرفان: کائو، پيئو ۽ حد کان نه وڌو، بيشڪ هُو حد کان وڌڻ وارن کي پسند ناهي فرمائيندو.

(ھن آيت ۾ ٻڌايو ويو آھي ته کائڻ پيئڻ ۾ اسراف نه ڪريو! کائڻ پيئڻ