صَلَّی اللہ عَلَیْہِ وَ آلِہٖ وَسَلَّم ! ڇا ڪا تڪليف پھتي آھي؟ فرمايائون: (نه، بلڪ) بُکَ جي سبب ويهي نماز پڙھي رهيو آهيان. حضرت ابوھريرہ رَضِىَ الـلّٰـهُ عَـنْهُ فرمائن ٿا ته ٻنھي جھانن جي مالڪ ۽ مختار، رسولِ بيمثال صَلَّی اللہ عَلَیْہِ وَ آلِہٖ وَسَلَّم  جي ھيءَ ڳالھ ٻڌي منھنجي دل ڀرجي آئي ۽ منھنجين اکين مان ڳوڙها وھڻ لڳا۔ ڏکايل دلين جي چين، ناناءِ حسنين صَلَّی اللہ عَلَیْہِ وَ آلِہٖ وَسَلَّم  فرمايو: ابو ھريرہ! روءُ نه...!! بيشڪ جيڪو دنيا ۾ ثواب جي اميد تي بک برداشت ڪندو، اُهو قيامت جي سخت بک کان محفوظ رھندو. ^([1])

پياري آقا صَلَّی اللہ عَلَیْہِ وَ آلِہٖ وَسَلَّم  جو  فقر اختياري هو

پيارا اسلامي ڀائرو! اسان جي پياري آقا، مڪي مدني مصطفيٰ صَلَّی اللہ عَلَیْہِ وَ آلِہٖ وَسَلَّم  جو ھي فقر مبارڪ اختياري ھو، پاڻ سڳورا صَلَّی اللہ عَلَیْہِ وَ آلِہٖ وَسَلَّم  ته سمورن جھانن جي تمام خزانن جا مالڪ ۽ مختار آھن. حضرت خَيثمَه رَضِىَ الـلّٰـهُ عَـنْهُ فرمائن ٿا ته الله پاڪ مالڪ ۽ مختار نبي، رسولِ ھاشمي صَلَّی اللہ عَلَیْہِ وَ آلِہٖ وَسَلَّم  کي ھيءَ پيشڪش (Offer) فرمائي ته اي محبوب صَلَّی اللہ عَلَیْہِ وَ آلِہٖ وَسَلَّم ! جيڪڏھن اوھان چاھيو ته اسان توھان کي دنيا جا اھڙا اهڙا خزانا عطا فرمايون جيڪي اوھان کان پهريان نه ڪنھن کي مليا آهن ۽ نه ئي اوھان کان پوءِ ڪنھن کي ملندا، ان تي وڌيڪ ھي ته انھن دنياوي خزانن جي ڪري اوھان جي آخرت وارن انعامن مان به ڪجھ گھٽ نه ڪيو ويندو۔ عابِد و زاھد نبي، مڪي مدني، مُحَمَّدِ عربي صَلَّی اللہ عَلَیْہِ وَ آلِہٖ وَسَلَّم  عرض ڪيو: اي الله