د خوږ آقا صَلَّى اللهُ عَلَيْهِ وَاٰلِهٖ وَسَلَّم د ژوند مبارک تيرولو انداز

پۀ 26 سيپارۀ، سورۀ الاَحقاف، آيت نمبر: 20 کښې د الله پاک فرمان دے:

اَذْهَبْتُمْ طَیِّبٰتِكُمْ فِیْ حَیَاتِكُمُ الدُّنْیَا وَ اسْتَمْتَعْتُمْ بِهَاۚ-فَالْیَوْمَ تُجْزَوْنَ عَذَابَ الْهُوْنِ

[مفهوم] ترجمهٴ کنزُ العِرفان: تاسو د خپلې حصې پاک څيزونه د دُنيا پۀ ژوند کښې فنا کړي دي او د هغو نه مو فائده اوچته کړې ده نو نن به تاسو ته د ذِلت د عذاب بدله درکړے شي.

صدرُ الاَفاضِل حضرت علامه مولانا مفتي سيد محمد نعيم الدين مُراد آبادي رَحْمَةُ اللهِ عَلَيْه پۀ تفسير خزائنُ العرفان کښې د دې آيت مبارک لاندې فرمائي، پۀ دې آيت کښې چې الله پاک د دُنيائي خوندونو پۀ اِختيارولو کافِران ته تَوبيخ (يعنې ملامته) وکړه نو رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم او د حُضُور صحابۀ کرامو عَليهمُ الرّضوَان د دُنيا د خوندونو نه ډډه اِختيار کړه. ^([1]) د مسلم شريف پۀ حديثِ کښې دي، د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د ظاهري وفات پورې د حُضُور اهلِ بيتِ اَطهار رَضِىَ اللهُ عَـنْهُ چرې هم د وربشو ډوډۍ هم دوه ورځې پرله پسې نۀ ده خوړلې . ^([2]) دا هم پۀ حديث کښې دي چې ټوله ټوله مياشت به تيره شوه پۀ دولت سرائے اَقدس (يعنې مکانِ عالي شان) کښې به (پۀ انغري کښې) وور نۀ بليدو، هُم پۀ يو څو کجورو او اوبو باندې به ګزاره کولے شوه. ^([3])  

کھانا تو دیکھو جَو کی روٹی                         بے چھنا آٹا روٹی بھی موٹی

وہ بھی شکم بھر روز نہ کھانا                                                                                                              صَلَّی اللہُ عَلَیْہِ وَسَلَّم