اُلټا خرابيږي خو د خوراک څښاک چې ګويا رَيس لګيدلے دے، خوراکيان ښۀ ډير خوراک کوي، پۀ ډکه خيټه  خوراک کوي، بيا د ډاکټرانو خوا له ځي. پۀ بعضې ځايونو کښې خو د خوراک مقابلې هم کيږي، انعامونه پرې ورکولے کيږي چې څوک ډير خوراک اوکړي او پۀ کم وخت کښې يـې اوکړي، هغه به اِنعام ګټي. بيا د اِنعام پۀ لالچ کښې خلق يواځې زر زر خوراک نۀ کوي بلکې غټې غټې نمړۍ بغير د چقولو نه ژوندۍ تيروي، دومره ډير خوراک چې کله بغير د ميدۀ کولو نه خِيټې ته لاړ شي نو پۀ کولـمو باندې بوج زيات شي او بيماريانې زياتې شي. بيا د دې پۀ وجه کله د زړۀ مسئلې، کله ځيګر خراب، د چا د کولـمو مسئلې نو د چا ګُردې فيل کيږي.

کم خورئ، صحت جوړوئ...!!

اِمامِ غزالي رَحْمَةُ اللهِ عَلَيْه فرمائي: د خوراک کولو نه مخکښې وږے کيدل ضروري دي، څوک چې د خوراک شروع کولو پۀ وخت هم وږے وي او لا يـې لوږه باقي وي او بَس کړي نو هغه به هيڅکله د طبيب محتاجه کيږي نۀ. (اِحْیاء ُ الْعُلوم ج ۲ ص ۵)

یاالہٰی!  پیٹ  کا  قفلِ مدینہ  کر  عطا

                 از پئے غوث و رضا کر بھوک کا گوہَر عطا 

خورئ! څښئ! اِسراف مۀ کوئ!

د اتمې سيپارې، پۀ سورۀ اَعراف، آيت: 31 کښې اِرشاد دے:

كُلُوْا وَ اشْرَبُوْا وَ لَا تُسْرِفُوْا ۚ-اِنَّهٗ لَا یُحِبُّ الْمُسْرِفِیْنَ۠(۳۱) (پارہ: 8، سورة الاعراف:31)

 [مفهوم] ترجمهٴ کنزُ العِرفان: خورئ او څښئ او د حد نه مۀ تيريږئ، بے شکه هغه د حد نه تيريدونکي نۀ خوښوي.