هٰغه غير مسلمه چې آيت واوريدو نو اوئې وئيل: ځه دا خو مې اومنله چې قرآنِ کريم پۀ يو څو الفاظو کښې د طِب د ټول عِلم (Medical Science) خلاصه بيان کړې ده خو ستاسو نبي صَلَّى اللهُ عَلَيْهِ وَاٰلِهٖ وَسَلَّم پۀ دې باره کښې هيڅ نۀ دي فرمائيلي، اِمام زَينُ العَابِدين رَضِىَ اللهُ عَـنْهُ وفرمائيل: زما نيکه بابا جان، د دواړو جهانو د سلطان صَلَّى اللهُ عَلَيْهِ وَاٰلِهٖ وَسَلَّم پۀ زرګونو حديثونه دي، صرف هُم پۀ يو حديث کښې هغوئي د عِلمِ طِب خُلاصه بيان کړې ده، پۀ حديثِ پاک کښې دي: د ټولو نه خراب لوښے کوم چې اِنسان ډکوي، هغه د هغۀ خِيټه ده، د اِنسان د پاره يو څو نمړۍ کافي دي، کومې چې د هغۀ خِيټه نيغه ساتي. ^([1]) هٰغه غير مسلمه چې کله دا حديثِ پاک واوريدو نو پۀ تيزه يـې ووئيل: مَا تَرَکَ  کِتَابُکُمْ وَلَا نَبِیُّکُمْ لِجَالِیْنُوْسَ طِبًّا يعنې ستاسو کتاب او ستاسو نبي صَلَّى اللهُ عَلَيْهِ وَاٰلِهٖ وَسَلَّم د جالِينُوس (څوک چې د خپل وخت ډير لوئي حکيم وو، د هغۀ) د پاره هډو څۀ پريښودي نۀ دي، د ټول طِب خُلاصه يـې بيان کړې ده. ^([2])

د رجب روژې نيسئ!

خوږو او محترمو اِسلامي وروڼو! د رجب شريف مبارکه مياشت روانه ده. پۀ رجب شريف کښې نفلي روژې نيول د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم سُنَّت دي. ځکه روژې نيسئ! پۀ پيشمني او روژه ماتي کښې د سُنَّت پۀ نيت سره کم خوراک کوئ! اِنْ شَآءَ اللہُ الْکَرِیم! د دُنيا او د اخرت بے شميره خيرونه به مو نصيب شي.

خوږ آقا صَلَّى اللهُ عَلَيْهِ وَاٰلِهٖ وَسَلَّم به د رجب روژې نيولې

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! د رَجَبُ المُرَجَّبد ټولو اهم عبادت