فرمايو. پاڻ به مطالعو ڪريو ۽ ٻين کي به تحفي طور پيش ڪريو.

پيارا اسلامي ڀائرو! بيان کي اختتام ڏانهن آڻيندي سنت جي فضيلت ۽ ڪجهه آداب زندگي بيان ڪرڻ جي سعادت حاصل ڪري رهيو آهيان. تاجدارِ رسالت، شهنشاههِ نبوت صَلَّى اللهُ عَلَيْهِ وَاٰلِهٖ وَسَلَّم فرمايو: مَنْ اَحَبَّ سُنَّتِی فَقَدْ اَحَبَّنِی وَمَنْ اَحَبَّنِی كَانَ مَعِیَ فِی الْجَنَّةِ جنهن منهنجي سنت سان محبت ڪئي ان مون سان محبت ڪئي ۽ جنهن مون سان محبت ڪئي اُهو جنت ۾ مون سان گڏ هوندو. ^([1])

سینہ تیری سُنّت کا مدینہ بنے آقا!                                            جنت میں پڑوسی مجھے تم اپنا بنانا

قرآن پاڪ جي تلاوت ڪرڻ سنت آهي

فرمانِ آخري نبي، رسول هاشمي صَلّی اللہُ عَلَیْہ وآلِہ وسَلَّم: (1): منهنجي امت جي افضل ترين عبادت تلاوتِ قرآن آهي. ^([2])

اي عاشقان رسول! قرآن ڪريم جي تلاوت ڪرڻ سنت آهي. اسان جا پيارا آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم ڪثرت سان قرآن ڪريم جي تلاوت فرمائيندا هئا * حضرت عائشه صديقه رَضِیَ اللهُ عَنْهَا فرمائن ٿيون ته ڪا به شيءِ پاڻ صَلَّى اللهُ عَلَيْهِ وَاٰلِهٖ وَسَلَّم کي تلاوت کان نه روڪيندي هئي * پاڻ صَلَّى اللهُ عَلَيْهِ وَاٰلِهٖ وَسَلَّم رات جي نماز ۾ ڪڏهن ڪڏهن مڪمل سورت بقره ۽ سورت آل عمران جي تلاوت فرمائيندا هئا * روزانو رات جو سورت سجدة، سورت ملڪ، سورت بني اسرائيل،