عطاءَ الله رَحْمَةُ اللهِ عَلَيْه فرمائي: د چا چې څۀ حاجت وي، هغه دې د سورۀ فاتحه تِلاوت اوکړي، د دې پۀ برکت به يـې حاجت پوره شي. ^([1]) علمائے کرام فرمائي: 100 کرته چې سورۀ فاتحه ولوستلے شي او کومه دُعا هم اوکړے شي نو قبليږي. ^([2])

سُبْحٰنَ اللہ! څومره اسان حل دے...! چې څۀ مشکل وي، پريشاني وي، تنګدستي وي، څۀ پريشاني راشي، څۀ حاجت پيښ شي، سورۀ فاتحه ولولئ، دُعاګانې اوکړئ! اِنْ شَآءَ اللہُ الْکَرِیم! الله پاک به کرم اوکړي او مشکل، پريشاني، تنګدستي به ختمه شي.

الله پاک دې مونږ ته پۀ کثرت سره د قرآنِ کريم د تِلاوت او پۀ خاص توګه د سورۀ فاتحه د بيا بيا لوستلو توفيق راعطا کړي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم.

صَلُّوا عَلَی الْحَبِیب                                                       صَلَّی اللهُ علٰی مُحَمَّد

د خواجه حُضُور رَحْمَةُ اللهِ عَلَيْه د قرآن سره محبت

خوږو او محترمو اِسلامي وروڼو! د خواجۀ خواجګان، حُضُور خواجه مُعِين الدين چشتي اجميري رَحْمَةُ اللهِ عَلَيْه پۀ بے شميره صفتونو کښې يو ډير اهم صفت دا هم دے چې هغوئي به د قرآنِ کريم سره بے حده محبت کولو. د هغوئي عمر 15 کاله وو، کله چې يـې والد صاحب د دې دُنيا نه رخصت شو، پۀ وراثت کښې د هغوئي يو باغ او يوه جرنده ورسيدله، خواجه حُضُور رَحْمَةُ اللهِ عَلَيْه باغ خرڅ کړو، جرنده يـې هم خرڅه کړه او باقي چې نور کوم سامان وو، ټول يـې خرڅ کړو، د هغې پيسې يـې پۀ فقيرانو، مسکينانو باندې صدقه کړې او سمرقند ښار ته لاړو او د قرآنِ کريم پۀ حفظ کولو کښې