Book Name:Khuwaja Huzoor Ki Quran Se Muhabbat
معلومه شوه چې دا مونږ نۀ يو چې د اوليائے کرامو ذِکر کوو بلکې دا خو د رَبِّ کريم کرم او مهرباني ده چې زمونږ پۀ شان خلقو باندې د خپلو محبوبو بندګانو ذِکر پاک کوي.
الله پاک دې خپل دا کرم هميشه پۀ مونږ باندې قائم ساتي، کاش چې د مرګه پورې د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ذِکر اوکړو، د صحابۀ کرامو عَليهمُ الرّضوَان او د اهلِ بيتِ اطهار رَضِىَ اللهُ عَـنْهُم پۀ ذِکر مو هر وخت ژبه لـمده وي، کاش چې ټول عمر مو د اوليائے کرامو رَحْمَةُ اللهِ عَلَيْهم پۀ ذِکر کولو تير شي.
خُدا کا ذِکْر کرے، ذِکْرِ مصطفےٰ نہ کرے ہمارے منہ میں ہو ایسی زباں خُدا نہ کرے
صَـــلُّـــوْا عَـــلَـی الْــحَـــبِــيْــب! صَـلَّـی اللهُ تَعالٰـی عَلـٰی مُـحَـمَّد
د خواجه حُضُور رَحْمَةُ اللهِ عَلَيْه د قرآن سره محبت
خوږو او محترمو اِسلامي وروڼو! راځئ چې د شپږمې شريفې پۀ نسبت سره د خواجه حُضُور رَحْمَةُ اللهِ عَلَيْه د ذِکر خير کولو، د اوريدو سعادت حاصل کړو. نن زمونږه موضوع ده: د خواجه حُضُور رَحْمَةُ اللهِ عَلَيْه د قرآن سره محبّت (Khwaja Huzoor's love for the Quran). راځئ چې وړومبے يوه ايمان تازه کوونکې واقعه واورو! بيا به د خپل موضوع طرف ته راځو.
سترګې يـې پټې کړې او پۀ سيند پورې وتلو
حُضُور خواجه غريب نواز رَحْمَةُ اللهِ عَلَيْه فرمائي: يو ځل زۀ د خپل پير صاحب شيخ عثمان هاروَني رَحْمَةُ اللهِ عَلَيْه سره پۀ سفر باندې ووم، مونږ پۀ تللو تللو د دجله سيند ته ورسيدو. مونږ پۀ سيند پورې وتلو خو هلته يوه کشتۍ هم نۀ وه. تلل هم زر وو. پۀ ظاهره هيڅ حالت پۀ نظر نۀ راتللو.
سُبْحٰنَ اللہ! د چا پير چې کامِل وي نو هغه څنګه پريشانه کيدے شي. خواجه حُضُور رَحْمَةُ اللهِ عَلَيْه فرمائي: زما پير صاحب شيخ عثمان هاروَني رَحْمَةُ اللهِ عَلَيْه ما ته وفرمائيل: