بابا فريد رَحْمَةُ اللهِ عَلَيْه هٰغه هستي ده، چا چې ټول عمر د الله پاک پۀ ذِکر کولو تير کړو، اوس زۀ د دې ليدو د پاره راځم چې واقعي د هغوئي چرچې کيږې ، هغوئي به د الله پاک ذِکر کولو، اوس مخلوق فريد فريد کوي. ^([1])

د اوليائے کرامو محبت پۀ زړونو کښې اچولے شي

الله پاک پۀ قرآنِ کريم کښې فرمائي:

اِنَّ الَّذِیْنَ اٰمَنُوْا وَ عَمِلُوا الصّٰلِحٰتِ سَیَجْعَلُ لَهُمُ الرَّحْمٰنُ وُدًّا(۹۶) (پارہ:16، سورۀ مریم:96)

[مفهوم] ترجمهٴ کنزُ العِرفان: بے شکه هٰغه خلق چې ايمان يـې راوړو او نيک اعمال يـې اوکړل، نزدې ده چې رحمان به د هغوئي د پاره محبت پيدا کړي.

د مسلمانانو څلورم خليفه، حضرت علي المُرتضیٰ شير خُدا رَضِىَ اللهُ عَـنْهُ فرمائي: ما د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم نه د دې آيت مبارک د وضاحت پوښتنه اوکړه نو اوئې فرمائيل: اے علي! څوک چې ايمان راوړي او نيک اعمال کوي، الله پاک د مسلمانانو پۀ زړونو کښې د هغۀ محبت واچوي، فرښتے هم د هغۀ سره محبت کوي او د نيکانو خلقو پۀ زړونو کښې هم د هغۀ عزت اچولے شي. ^([2])

پۀ حديثِ پاک کښې دي: کله چې څوک بنده د الله پاک محبوب (يعنې خوښ) شي نو فرښتو ته هم د هغۀ سره د محبت کولو حکم کيږي  او ثُمَّ یُوْضَعُ لَہُ الْقَبُوْلُ فِی الْاَرْضِ بيا پۀ زمکه کښې د هٰغه بنده مقبوليت کيښودے شي (يعنې د خلقو زړونه د هغۀ طرف ته مائل کړے شي). ^([3])