Book Name:Khuwaja Huzoor Ki Quran Se Muhabbat
د خواجه حُضُور * کله د داتا صاحب * نو کله د اعلیٰ حضرت.
وړومبۍ خبره خو دا ده چې اَلْحَمْدُ لِلّٰہ! مونږ قرآن هم بيانوو، حديثونه هم بيانوو، اوس وګورئ چې اِنْ شَآءَ اللہُ الْکَرِیم! چې پۀ بيان کښې به څومره حديثونه وړاندې کولے شي، پاتې شو نـمونځ نو اَلْحَمْدُ لِلّٰہ! د دعوتِ اِسلامي والا عاشقانِ رسول پۀ ټوله دُنيا کښې، جومات جومات، دکان دکان ته ځي او خلقو ته نـمونځ ښائي. پۀ اوسني وخت کښې کيدے شي چې داسې بَل يو پليټ فارم نۀ وي چرته چې باقاعده نماز کورس کولے شي، ستاسو دعوتِ اِسلامي اَلْحَمْدُ لِلّٰہ! فيضانِ نماز کورس هم کوي.
باقي پاتې شوه دا خبره چې مونږ د اوليائے کرامو ذِکر ولې کوو؟ پۀ دې باره کښې عرض دے چې مونږ د اوليائے کرامو ذِکر نۀ کوو، مونږ څوک يو د دې اوچتو مرتبو والا ذِکر کوونکي، دا خو د الله پاک کرم دے، د هغۀ عطا ده چې زمونږ پۀ شان ګنهګارانو ته د اوليائے کرامو د ذِکر توفيق راعطا کوي.
پير مهر علي شاه صاحب رَحْمَةُ اللهِ عَلَيْه کوم چې د اوچتې مرتبې عالمِ دِين، سيد او ډير لوئي ولئ کامِل دے، هغوئي به هر کال د بابا فريد رَحْمَةُ اللهِ عَلَيْه مزار ته حاضري کوله، يو ځل هغوئي پاکپتن ته تشريف يوړلو نو يو خرابې عقيدې والا کس ترينه پوښتنه اوکړه: تاسو عالِمِ دِين يـۍ، تاسو هم مزارونو له ځۍ؟ پير مهر علي شاه صاحب رَحْمَةُ اللهِ عَلَيْه وفرمائيل: زۀ دلته د قرآني آيت تفسير پۀ سترګو د ليدلو د پاره راځم. هٰغه د خرابې عقيدې والا ترينه پۀ حيرانتيا سره پوښتنه اوکړه: د کوم يو آيت تفسير؟ اوئې فرمائيل: د الله پاک فرمان دے:
فَاذْكُرُوْنِیْۤ اَذْكُرْكُمْ (پارہ:2، سورۀ بقرہ:152)
[مفهوم] ترجمهٴ کنزُ العِرفان: نو تاسو ما ياد کړئ، زۀ به تاسو ياد کړم.