حاضريدونکي ويني، د هغوئي اواز اوري، هغوئي پيژني او د الله پاک پۀ عطا سره د هغوئي مُرادونه هم پوره کوي. * پۀ حديثِ پاک کښې دي، مصطفٰے جانِ رحمت صَلَّى اللهُ عَلَيْهِ وَاٰلِهٖ وَسَلَّم ارشاد فرمائيلے دے: څوک چې هم د داسې مسلمان ورور د قبر پۀ خوا تيريږي کوم يـې چې پۀ دُنيا کښې پيژندلو او سلام اوکړي نو مړے هم هغه پيژني او د سلام جواب ورکوي. ^([1]) *اخري نبي، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم د غزوۀ اُحد نه پۀ واپسۍ باندې د حضرت مُصعَب بن عُمَير رَضِىَ اللهُ عَـنْهُ او نورو شهيدانو مزارونو ته ودريدو او ارشاد يـې وفرمائيلو: زۀ ګواهي ورکووم چې تاسو د الله پاک پۀ نزد ژوندي يـۍ. (بيا يـې وفرمائيل: اے خلقو!) د دوئي زيارت کوئ او دوئي ته سلام کوئ! پۀ هٰغه ذات مې دې قَسم وي د کوم پۀ قبضه کښې چې زما ځان دے! د قيامته پورې چې څوک هم دوئي ته سلام کوي دوئي به د هغوئي د سلام جواب ورکوي. ^([2])

 پۀ قبر کښې د تِلاوت سَعَادت

خوږو او محترمو اِسلامي وروڼو! د حُضُور خواجه غريب نواز رَحْمَةُ اللهِ عَلَيْه د قرآنِ کريم سره کمال تړون ته وګورئ! هغوئي پۀ خپل مزار مبارک کښې دي، بابا فريد رَحْمَةُ اللهِ عَلَيْه پۀ دې دُنيا کښې، د مزار مبارک سره پۀ خوا کښې ناست دے او تِلاوت کوي، خواجه حُضُور رَحْمَةُ اللهِ عَلَيْه پۀ مزار شريف کښې د دننه اوسيدو باوجود تِلاوت اوري هم او اِصلاح يـې هم کوي.

کاش چې د خواجه حُضُور رَحْمَةُ اللهِ عَلَيْه فيضان مو نصيب شي، زمونږ هم د قرآنِ کريم سره تړون پيدا شي چې پۀ اودو، پۀ ويخه، پۀ ناسته، پۀ ولاړه بس هُم د قرآنِ پاک