Book Name:Khuwaja Huzoor Ki Quran Se Muhabbat
حضرت بابا فريد ګنج شکر رَحْمَةُ اللهِ عَلَيْه د چا مزار شريف چې پۀ پاکپتن کښې دے، هغوئي هم ډير لوئي کامِل وَلي دے، فرمائي: يو ځل زۀ اجمير شريف ته حاضر شوم او د حضرت خواجه مُعِينُ الدِّين چشتي اجميري يعنې د خواجه غريب نواز رَحْمَةُ اللهِ عَلَيْه د روضې مبارکې سره ايسار شوم، دا د عرفې (9 ذوالحج) شپه وه، ما د مزار پۀ خوا کښې (د قبلې طرف ته مخ کړو او) نـمونځ مې ادا کړو، بيا چې د نـمونځ نه فارغ شوم نو هم هلته کيناستم او تِلاوت مې شروع کړو. هلته مې پۀ ناسته ناسته د 15 پينځلسو سيپارو تِلاوت کړے وو، چې د سُورۀ کَهف يا سُورۀ مريَم تِلاوت مې کولو نو زما نه پۀ لوستلو کښې غلطي وشوه او يو حرف رانه پاتې شو. ما ته د دې غلطۍ اِحساس نۀ وو شوے، ما چې وړاندې تِلاوت شروع کړو نو د مزار مبارک نه اواز راغلو: دا حرف دې پريښودو، بيا يـې ولوله! ما د هٰغه ځائے نه بيا تِلاوت اوکړو، بيا اواز راغلو: ښۀ يـې لولې، خَلفُ الرَّشِيد (يعنې ښۀ ځامن) هم داسې کوي. بابا فريد رَحْمَةُ اللهِ عَلَيْه فرمائي: د دې نه پس ما تِلاوت کولو، کله چې ما تِلاوت مکمل کړو نو ما پۀ ژړا ژړا دُعاګانې اوکړې، زما سره دا ويره وه چې آه! پته نۀ لګي چې زۀ به پۀ بخښلے شوؤ کښې يم او که نۀ، د دې ويرې له وجهې ما ژړل چې ناڅاپه د مزار شريف نه اواز راغلو: مولانا! څوک چې داسې نـمونځ کوي، هغه پۀ بخښلے شوؤ کښې دے. ([1])
آيا د مزار والا اوري، جواب ورکوي...؟
خوږو او محترمو اِسلامي وروڼو! څومره ښکلے شان دے زمونږه د خواجه غريب نواز رَحْمَةُ اللهِ عَلَيْه...!! يقيناً چې اوليائے کرام پۀ خپلو مزارونو کښې ژوندي دي، مزار ته