ستا مقام آخري آيت ته نزدې دے کوم چې به تۀ لوَلې. ^([1]) يعنې پۀ هر آيت باندې به هغۀ ته يوه درجه اوچت والے عطا کولے شي. * د بُخاري شريف روايت دے، محبوبِ ذِيشان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ تاسو کښې بهتر هغه دے څوک چې قرآن زده کړي او نورو ته يـې وښائي^([2]) * پۀ دارمي شريف کښې حديث دے، فرمائي: کله چې فرښتو قرآن واوريدو نو اوئې وئيل: زيرے دے د هٰغه اُمت د پاره پۀ کوم باندې چې قرآن نازل شو، خوشحالي ده د هٰغه سينو د پاره کومې چې به دا يادوي او خوشحالي ده د هٰغه ژبو د پاره کومې چې به د دې تِلاوت کوي. ^([3])

خوږو او محترمو اِسلامي وروڼو! اَلْحَمْدُ لِلّٰہ! قرآنِ کريم حفظ کول ډيره اعلیٰ نيکي ده. کوشش اوکړئ چې پخپله قرآنِ کريم حفظ کړئ، روزانه دوه دوه، څلور څلور آيتونه يادوئ، اِنْ شَآءَ اللہُ الْکَرِیم! چرته خو به يـې مکمل کړئ * که داسې اونکړے شۍ نو څۀ سورتونه ياد کړۍ.

پخپله سوچ اوکړئ چې څومره عجبيه خبره ده، مونږه مسلمانان يو، د ډيرو کلونو نه نـمونځونه کوو خو افسوس چې مونږ ته پۀ نـمونځ کښې د لوستلو د پاره صرف سُورۀ اِخلاص ياد دے. که ډير نۀ وي نو کم از کم * اخري 10 سُورتونه ياد کړئ! *سُورۀ مُلک * سُورۀ يسين * سُورۀ رحمان ياد کړئ! څومره ډير چې يادوۍ هم هٰغه همره فائده ده. پۀ حديثِ پاک کښې دي: پۀ کومه سينه کښې چې لږ قرآن هم نۀ وي، هغه د وران کور پۀ شان ده. ^([4])