کاش چې زمونږ نصيحت نصيب شي، مونږ هم عبرت حاصل کړو، د اخرت فِکر اختيار کړو، زمونږ د ژوند يو بل کال ختم شوے دے، پۀ دې کال کښې به مونږ ځان بدلوو، پۀ خپلو اخلاقو، کردار، عادت کښې به بدلون راولو، دا کال به پۀ ښۀ انداز کښې، د ګناهونو نه پۀ بچ کيدو، پۀ نيکو کښې د تيرولو کوشش کوو.

خوږو او محترمو اِسلامي وروڼو! کلونه بدليږي، کاش چې دا ځل صِرف کال بدل نشي، مونږه هم بدل شو، کاش چې مونږ عبرت حاصِل کړو، کال بدليږي، مونږ هم خپل عادتونه بدل کړو، که د ګناهونو عادت مو شته نو چي توبه وکړو * که د نـمونځونو نۀ کولو عادت دے نو پينځه واړه نـمونځونه پۀ پابندۍ سره د جَمعې سره ادا کوونکي جوړ شو * د تهجدو عادت خپل کړو * د اشراق، څاښت او اَوَّابين د نفلونو ادا کولو عادت جوړ کړو * ډير درودِ پاک لولو * پۀ مدني قافلو کښې سفر کول معمول جوړ کړو * د خپلو اعمالو د جائزې اخستو او د نيک اَعمَال رسالې ډکولو عادت جوړ کړو * د نيکۍ دعوت ورکوونکي جوړ شو * د سُنَّتو نه ډک لباس اغوستل  اِختيار کړو * د سُنَّتو مطابق ويښتۀ پريږدو * ګيره مبارکه پريږدو * که چرې عمامه [يعني پټکے] نۀ پۀ سر کوؤ نو د پټکي تاج پۀ سر کړو * که د غصې کولو عادت مو دے نو حِلم اختيار کړو * د حسد، تکبر، ځان خوښۍ وغيره باطني مرضونو نه زړۀ پاک کړو *ښۀ عادتونه اختيار کړو، ښه انداز اختيار کړو او جنَّت ته پۀ بوتلونکو کارونو کښې مصروف شو. کاش چې د کال بدليدو سره مونږ هم بدل شو.

پۀ نيو ائير نائټ (New Year Night) کښې د کولو کارونه

خوږو او محترمو اِسلامي وروڼو! نوے عيسوي کال شروع کيږي * پۀ دې موقع باندې د خپلو اعمالو جاج اخستل پکار دي مثلاً چې مونږه غور اوکړو چې تير کال چې کله نوے کال شروع شوے وو، د هٰغه وخت نه تر اوسه پورې مونږ پۀ څومره نيکو کولو کښې کامياب شوې يو؟ آه! پۀ عمل نامه کښې مو څومره ګناهونه زيات کړي دي...! *د نوي کال د شروع کيدو پۀ