ورځې مياشتې، مياشتې کلونه او کلونه ژوند کموي. ^([1])  

د ژوند پۀ کميدو خوشحاليدونکي عجيبه خلق

علامه اِبنِ رجب حنبلي رَحْمَةُ اللهِ عَلَيْه فرمائي: اے د کال پۀ تيريدو باندې خوشحالۍ کوونکو! تاسو پۀ اصل کښې د خپل ژوند پۀ کميدو باندې خوشحاليږۍ. ^([2]) نور فرمائي: اے هٰغه انسانه! د کوم چې پۀ يو پسې بل کال تيريږي خو هغه د غفلت د خوب نه نۀ رابيداريږي، اے هٰغه انسانه! د چا چې کال تير شو خو اوسه پورې د ګناهونو پۀ سمندر کښې ډوب دے، ^([3]) د قيامت پۀ ورځ چې به کله تۀ د الله پاک پۀ حضور کښې حاضر کړے شې نو ستا سره به څۀ بهانه وي؟ د دې غفلت او د ګناهونو نه د ډک ژوند به څۀ عُذر پيش کوې...!!

بهترين انسان څوک...؟

پۀ ترمذي شريف کښې دي، د الله پاک د اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم پۀ خِدمت کښې پوښتنه اوشوه: اَیُّ النَّاسِ خَیْرٌ؟ يعنې بهترين اِنسان څوک دے؟ اوئې فرمائيل: مَنْ طَالَ عُمْرُہٗ وَ حَسُنَ عَمَلُہٗ د چا عمر چې زيات او اعمال ښۀ وي. بيا پوښتنه اوشوه: اَیُّ النّاسِ شَرٌّ ؟ د ټولو نه خراب انسان څوک دے؟ اوئې فرمائيل: مَنْ طَالَ عُمْرُہٗ وَ سَاءَ عَمَلُہٗ د چا عمر چې ډير او اعمال خراب وي. ^([4])

الله! الله! خوږو او محترمو اِسلامي وروڼو! چې مونږ لږ غور اوکړو، څومره داسې خلق دي کوم چې تير کال د دُنيا نه رخصت شول، يقيناً چې مونږ ته مهلت ميلاؤ شوے دے،