Book Name:Maut Ke Beshumaar Asbab
د کراچۍ د ريلوے کالونۍ واقعه ده. يو ځل د رَمَضَانُ المُبَارَک مياشت وه، د ريلوے کالونۍ 40 ځوانانو د دې بابرکتو شپو د قدر هيڅ خيال ونکړو او د ګډاګانو د يو محفل جوړولو منصوبه يـې جوړه کړه. پۀ محفل کښې د سندرو او ګډا سره سره د شرابو بندوبست هم وو. څنګه چې ماښام شو، دغه ځوانان راجمع شول او سندرې او ګډاګانې يـې شروع کړې، ورسره ورسره د شرابو جامونه هم څښلے کيدل. دغه شان هغوئي پۀ ټوله کالونۍ کښې هٰغه درز غوبل جوړ کړےوو چې د خدائے پناه. پۀ دې کښې يو څو ځوانان د شرابو پۀ نشه کښې سرګردانه شول او پۀ زمکه راپريوتل. نورو ځوانان د هغوئي پۀ راپريوتو پسې پۀ بړق بړق وخندل او ورسره يـې د شرابو يو بل ته د ورکولو او څښلو عمل نور هم تيز کړو.
داسې پۀ جامونو پسې جامونه جوړيدل، ګډاګانې کيدلې او ځوانان د دُنيا نه بے نيازه د دغه محفل پۀ رنګ کښې رنګ کيدل. د شپې پخيدو سره سره ځوانانو شراب څښل او سرګردانه کيدل او پۀ زمکه باندې راغورځيدل، د دې پورې چې پۀ فرش باندې د هغوئي شميره زياته شوه. ناڅاپه يو دوست د بل نه پوښتنه اوکړه: پۀ دې ټولو باندې څۀ وشو؟ دا ټول ولې اودۀ شو؟ بَل چې خپل دوستان پۀ فرش پراتۀ وليدل نو ډير حيران او پريشانه شو بيا يـې د هغې نه پس خپل دوست ته وکتل نو دواړه پۀ معامله باندې پوهه شول. ځکه يـې فوراً پوليس خبر کړل او کله چې پوليس محفل ته راورسيدل نو 27 ځوانان پۀ فرش باندې پۀ لړزيدو لړزيدو مړۀ شوي وو او کوم چې لا مړۀ نۀ وو هغوئي لړزيدل. پوليس فوراً ژوندي پاتې شوي کسان هسپتال ته ورسول. دغه شان پۀ ريلوے کالونۍ کښې د روژې پۀ مبارکه مياشت کښې جوړ کړے شوے د