رمضانُ المُبارڪ جي برڪتن سان مالا مال  جهومندو سلام،

اَلسَّلَامُ عَلَيْکُم وَرَحْمَةُ الله  ِوَبَرَکاتُهٗ                اَ لۡـحَـمۡدُ لِلهِ رَبِّ العٰلَـمِيۡنَ عَليٰ  کُلِ  حَال

  اَلحَمۡدُلله! هڪ ڀيرو وري خوشيءَ جا ڏينهن اچڻ وارا آهن، ماھِ رجَبُ المُرجب جي آمد آمد آهي. هن مهيني ۾ عبادت جو ٻج پوکيو ويندو آهي، شَعبانُ المُعَظم ۾ شرمساري جي ڳوڙهن سان پاڻي ڏنو ويندو آهي ۽ رمضان المبارڪ جي مهيني ۾ رحمت جو فصل ڪٽيو ويندو آهي.

رجب جي ابتدائي 3 روزن جي فضيلت

رجب المرجب جا قدر دانو! تعليم و تعلُّم (يعني سکڻ ۽ سيکارڻ) ۽ ڪسبِ حلال ۾ رڪاوٽ نه هجي، ماءُ پيءُ به بلا وجه منع نه ڪن، ڪنهن جي به حق تلفي نه ٿيندي هجي جلدي جلدي ۽ جلدي مسلسل ٽن مهينن جا يا رمضان المبارڪ جي مڪمل فرض روزن سان گڏ جنهن کان جيترا ٿي سگهن نفل روزن جي لاءِ ڪمر بسته ٿي وڃو، سحري ۽ افطار ۾ گهٽ کائي ڪري پيٽ جو قفل مدينه به لڳايو. ڪاش! هر گهر ۾ ۽ منهنجي جمله مدارس المدينه ۽ تمام جامعة المدينه ۾ روزن جون بهاريون اچي وڃن. بس پهرين رجب شريف کان ئي روزن جو آغاز فرمائيندا وڃو.

رجب جي ابتدائي (پهريان)
 ٽن روزن جي فضائل جي به ڇا ڳالھ ڪجي!

 حضرت عبدالله بن عباس رَضِىَ اللهُ عَنْهُ کان روايت آهي ته بي چين دِلين جي چين، رحمتِ دارَين، تاجدارِ حَرمَين، سروَرِ ڪَونَين، ناناءِ حَسۡنَين صَلَّى اللهُ عَلَيْهِ وَاٰلِهٖ وَسَلَّم جو فرمانِ رحمتِ نشان آهي: ”رجب جي پهرين ڏينهن جو روزو ٽن سالن جو ڪفارو آهي ۽ ٻي ڏينهن جو روزو ٻن سالن جو ۽ ٽين ڏينهن جو هڪ سال جو ڪفارو آهي، پوءِ هر ڏينهن جو روزو هڪ مهيني جو ڪفارو آهي.^[1]

  ميں    گنہگار    گناہوں کے   سوا     کيا     لاتا

نيکياں ہوتی ہیں سرکار    نِکوکار کے  پاس

نفلي روزن جون به ڇا ته خوب بهارون آهن، هن ضمن ۾ 2 احاديث مبارڪه مُلاحظه فرمايو:

 (1) حضرت اُمّ عُماره رَضِىَ اللهُ عَنْها فرمائن ٿيون: نبي ڪريم صَلَّى اللّٰهُ عَلَيۡهِ واٰلِهٖ وَسَلَّم مون وٽ تشريف کڻي آيا ته مون پاڻ ڪريم جي خدمت ۾ کاڌو پيش ڪيو ته ارشاد فرمايائون: توهان به کائو! مون عرض ڪيو: مان روزي سان آهيان ته رحمتِ عالم صَلَّى اللّٰهُ عَلَيۡهِ واٰلِهٖ وَسَلَّم فرمايو: جيستائين روزيدار جي سامهون کاڌو کاڌو ويندو آهي ملائڪ ان (يعني روزيدار) جي لاءِ مغفرت جي دُعا ڪندا رهندا آهن.^[2] (2) حضرت بلال رَضِىَ اللهُ عَنْهُ، نبي اڪرم، نورِ مُجسم، شاھِ بني آدم، صَلَّى اللّٰهُ عَلَيۡهِ واٰلِهٖ وَسَلَّم  جي خدمت ۾ حاضر ٿيا، اُن وقت پاڻ ناشتو ڪري رهيا هئا فرمايائون: اي بلال! ناشتو ڪيو! عرض ڪيائين: يارسول الله صَلَّى اللّٰهُ عَلَيۡهِ واٰلِهٖ وَسَلَّم   ! مان روزي سان آهيان. ته رسول الله فرمايو: اسان پنهنجي