پڙهڻ کان 27 درجا افضل آهي. ^([1])

اي عاشقانِ رسول! فرض ڪريو ته ڪنهن وٽ واپار جو مال آهي، جيڪڏهن هو ان کي پنهنجي شهر ۾ وڪڻي ته کيس 100 روپيا ملن ۽ جيڪڏهن سمنڊ پار وڃي اهو ئي سامان وڪڻي ته 2500 يا 2700 روپيا ملن ته هو ضرور سمنڊ پار وڃي پنهنجو مال وڪڻڻ پسند ڪندو، ڇو ته 25 يا 27 دفعا وڌيڪ نفعو ڪير ڇڏيندو! افسوس! دنيا جي دولت وڌائڻ لاءِ ته ماڻهو پري پري جو سفر ڪرڻ لاءِ تيار ٿي ويندا آهن پر گھر کان صرف ڪجهه قدم هلي مسجد ۾ جماعت سان نماز پڙھي هڪ نماز تي 27 نمازن جو ثواب ڪمائڻ ۾ ڪي ماڻهو سُستي ڪندا آهن ۽ گھرن ۾ ئي نماز پڙهندا آهن.

بھائی مسجد میں جماعت سے نمازیں پڑھ سدا         ہوں گے راضی مصطفےٰ، ہوجائے گا راضی خدا

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

پهرين صف ۾ نماز پڙهڻ جو  ثواب

پيارا اسلامي ڀائرو! اسان کي پنج ئي نمازون پڙھڻ گھرجن، جماعت سان پڙھڻ گھرجن ۽ ڪوشش ڪري پهرين صف ۾ پڙھڻ گھرجن. حديث پاڪ ۾ آهي: جيڪڏهن ماڻهن کي خبر هجي ها ته پهرين صف ۾ نماز پڙھڻ جو ڪيڏو وڏو ثواب آهي ته ضرور ان جي لاءِ قرعه اندازي ڪن ها.^[2]

يعني هر ڪو پهرين صف ۾ بيهڻ چاهي ها ۽ جاءِ جي تنگيءَ سبب قرعه اندازي جي ذريعي فيصلو ٿئي ها.