ملائڪن جون دعائون وٺو

عباس رَضِیَ اللهُ عَنْهُمَا کان روايت آهي ته پياري آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم هڪ دفعي پهرين صف ۾ باجماعت پڙھي وڃڻ واري نماز جا فضائل بيان فرمايا ته صحابه ڪرام رَضِیَ اللهُ عَنْهُم پهرين صف حاصل ڪرڻ لاءِ تمام گهڻي ڪوشش ڪرڻ لڳا ۽ انهن جا هجوم (Crowd) ٿيڻ لڳا ۽ جن جا گھر مسجد شريف کان پري ھئا اُهي پنهنجا گھر وِڪڻي مسجد شريف جي ويجھو گھر وٺڻ لاءِ تيار ٿي ويا ته جيئن پهرين صف ۾ جاءِ ملڻ کان محروم نه رهن. ان تي هيءَ آيتِ ڪريمه نازل ٿي ۽ کين تسلي ڏني وئي ته ثواب نيت تي آهي ۽ اللہ پاڪ اڳتي وڌندڙن کي به ڄاڻي ٿو ۽ جيڪي عذر سبب پٺتي رھجي ويا آهن تن کي به ڄاڻي ٿو ۽ سندن نيتن کان به خبردار آهي ۽ ان کان ڪجهه به لڪيل نه آهي.^{^[1]}

سُبْحٰنَ اللہ! ڇا شان آهي صحابه جو. عبادت جو جذبو ڏسو! پهرين صف جو ثواب حاصل ڪرڻ جي لاءِ هي بزرگ پنهنجا گھر وڪڻي مسجد شريف جي ويجھو اچڻ لاءِ تيار ٿي ويا ته جيئن جلد تياري ڪري جلدي جلدي مسجد ۾ پهچي وڃن ۽ پهرين صف حاصل ڪرڻ ۾ ڪامياب ٿي وڃن ...!!

افسوس! هڪ اسان آهيون جيڪي پهرين صف ته پري جي ڳالهه آهي، آخري صف ۾ به ۽ ڪڏهن ڪڏهن ته جماعت جي آخري رڪعت تائين پهچڻ ۾ به ڪامياب نه ٿيندا آهيون. اللہ پاڪ معاف فرمائي. ڪيترائي نمازي اهڙا آهن جن جي ته جماعت ئي قضا ٿي ويندي آهي، مسلمانن جو هڪ وڏو تعداد اهڙو به آهي جيڪو مسجدن جو رخ ئي نه ڪندو آهي.

[1] مراۃ المناجیح، جلد:2، صفحہ:186 ملتقطاً بتغیر۔

Important

Mobile Apps

Contact Us