میں رُکاوٹ نہ ہو، ماں باپ بھی منع نہ کریں تو جلدی جلدی اور بہت جلدی مسلسل 3ماہ کے یا جس سے جتنے بن پڑیں اُتنے روزوں کے لیے کمر بستہ ہوجائے، سحری اور اِفطار میں کم کھا کر پیٹ کا قفلِ مدینہ بھی لگائے۔ کاش !ہر گھر میں اور میرے جملہ مَدَارِسُ المدینہ اور تمام جَامِعَاتُ المدینہ میں روزوں کی بہاریں آجائیں، بس پہلی رجب شریف سے ہی روزوں کا آغاز فرما دیجئے!

    رَجب کے ابتدائی 3روزوں کے فضائل کی بھی کیا بات ہے ! حضرتِ  عبدُ  اللہ   ابن عبّاس  رَضِیَ   اللہ   عنہ سے  روایت ہے کہ بےچین دلوں کے چین ، رحمتِ دارین، تاجدارِ حرمین، سرورِ کونین ، نانائے حسنین   صَلَّی   اللہ   عَلَیْہِ وَ آلِہٖ وَ سَلَّم   کا فرمانِ رحمت نشان ہے:  رجَب کے پہلے دن کا روزہ 3سال کا کَفّارہ ہے ،اور دوسرے دن کا روزہ 2 سال کا اور تیسرے دن کا 1سال کا کَفّارہ ہے،پھر ہر دن کا روزہ ایک ماہ کا کفّارہ ہے۔^([1])

میں  گنہگار  گُناہوں  کے سِوا  کیا  لاتا                                                                          نیکیاں ہوتی ہیں سرکار نِکو کار کے پاس

نفلی روزوں کی بھی کیا خوب بہاریں ہیں، اِس ضِمْن میں 2احادیث مُبَارَکہ مُلَاحظہ فرمائیے:(1): حضرت اُمّ عُمارہ   رَضِیَ   اللہ   عنہ ا   فرماتی ہیں : حُضُور پاک ، صاحبِ لولاک ، سیّاحِ اَفلاک   صَلَّی   اللہ   عَلَیْہِ وَ آلِہٖ وَ سَلَّم   میرے یہاں تشریف لائے تو میں نے آپ   صَلَّی   اللہ   عَلَیْہِ وَ آلِہٖ وَ سَلَّم   کی خدمتِ سراپا بَرَکت میں کھانا پیش کیا تو ارشاد فرمایا :تم بھی کھاؤ!میں نے عرض کی : میں روزے سے ہوں تو رحمتِ عالم   صَلَّی   اللہ   عَلَیْہِ وَ آلِہٖ وَ سَلَّم   نے فرمایا : جب تک روزہ دار کے سامنے کھانا کھایا جاتا ہے فرشتے اس(روزے دار)کے لئے دُعائے مغفرت کرتے رہتے ہیں۔ ^([2])