دے نو څوک دے چې هغوئي د دې مرتبے نه لرې کړي۔۔۔؟ د هغوئي شان خو دا دے چې * پۀ ژوند کښې * پۀ مرګ کښې * پۀ قبر کښې پۀ هر ځائے کښې  ثَانِی دے، د هغوئي ذات د ثَانِیَ اثنَين مظهر دے۔  

وړومبے خليفه حضرت صِدِّيقِ اکبر رَضِىَ اللهُ عَـنْهُ دے

خوږو او محترمو اِسلامي وروڼو! د حضرت صِدِّيقِ اکبر رَضِىَ اللهُ عَـنْهُ دغه صفت چې هغوئي ثَانِیَ اثنَين (پۀ دوو کښې دويم) دے، د دې خبرې دليل هم دے چې هغوئي د خِلافتِ بِلا فصل (يعنې د مسلمانانو د وړومبي خليفه کيدو) حق دار دے۔ د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د ظاهري وصال نه پس چې کله د صحابۀ کرامو عَليهمُ الرّضوَان پۀ خپل مينځ کښي مشوره وشوه چې اوس به خليفه څوک وي؟ هٰغه وخت حضرت عمر فاروقِ اعظم رَضِىَ اللهُ عَـنْهُ د دې آيت مبارک طرف ته پام راوګرځولو او پۀ صحابۀ کرامو عَليهمُ الرّضوَان باندې يـې دا خبره واضحه کړه چې د چا شان چې ثَانِیَ اثنَين دے، هغه به دلته هم ثانی وي، ځکه د رسول الله صَلَّى اللهُ عَلَيْهِ وَاٰلِهٖ وَسَلَّم وړومبے خليفه کيدل هم د حضرت صِدِّيقِ اکبر رَضِىَ اللهُ عَـنْهُ شان دے۔ ^([1])

 (2): بے مثله صحابي

خوږو او محترمو اِسلامي وروڼو! پۀ دې آيت مبارک کښې د حضرت صِدِّيقِ اکبر رَضِىَ اللهُ عَـنْهُ دويم خصوصي شان دا بيان شو چې الله پاک وفرمائيل:

اِذْ یَقُوْلُ لِصَاحِبِهٖ (پارہ:10، سورۀ التوبه:40)

ترجمهٴ کنزُ العِرفان: چې کله يـې خپل ملګري ته فرمائيل۔

يعنې رسول الله صَلَّى اللهُ عَلَيْهِ وَاٰلِهٖ وَسَلَّم وفرمائيل، چا ته؟ خپل صاحِب ته او هغه څوک وو؟ حضرت صِدِّيقِ اکبر رَضِىَ اللهُ عَـنْهُ۔