قرآن او د صِدِّيق اکبر رَضِىَ اللهُ عَـنْهُ شان

Al Quran Books Madani Channel

Magazine Courses Media

حضرت صِدِّيقِ اکبر رَضِىَ اللهُ عَـنْهُ فرمائي: د دغه شپې نه پس زما سره چرې هم د يو څيز پۀ باره کښې ويره نۀ ده پيداشوې ، نۀ د دِين پۀ معامله کښې چرې زۀ ويريدلے يم۔ ^{(^[1])}

آيت مبارک او د صِدِّيقِ اکبر رَضِىَ اللهُ عَـنْهُ شان

خوږو او محترمو اِسلامي وروڼو! پۀ دې آيت مبارک کښې د مسلمانانو د وړومبي خليفه حضرت ابو بکر صِدِّيق رَضِىَ اللهُ عَـنْهُ ډير شانونه بيان شوي دي، دا شانونه خو دومره دي چې علمائے کرامو د دې آيت د تفسير او د دې نه د معلوم شوو د صِدِّيقِ اکبر رَضِىَ اللهُ عَـنْهُ پۀ شانونو باندې کتابونه ليکلي دي، البته! مونږ پۀ مختصر توګه څۀ شانونه اورو:

بنيادي طور پۀ دې آيت مبارک کښې د حضرت صِدِّيقِ اکبر رَضِىَ اللهُ عَـنْهُ 4 خصوصي شانونه بيان شوي دي:

(1): ثَانِیَ اثنَین (پۀ دوو کښې دويم)

وړومبے شان: اللہ پاک وفرمائيل:

ثَانِیَ اثْنَیْنِ (پارہ:10، سورۀ التوبه:40)

ترجمهٴ کنزُ العِرفان: پۀ دوو کښې دويم۔

دا د حضرت صِدِّيقِ اکبر رَضِىَ اللهُ عَـنْهُ لوئي شان دے، پۀ روايت کښې دي: يو ځل سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم حضرت حَسَّان بن ثابِت رَضِىَ اللهُ عَـنْهُ ته وفرمائيل: اے حَسَّانه! آيا تا زما د صِدِّيقِ په تعريف کښې هم څۀ شعر ليکلے دے؟ عرض يـې اوکړو: آؤ ! يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! اوئې فرمائيل: ما ته يـې هم ووايه! بيا حضرت حَسَّان بن ثابت رَضِىَ اللهُ عَـنْهُ چې د حضرت صِدِّيقِ اکبر رَضِىَ اللهُ عَـنْهُ پۀ شان کښې کوم شعرونه ليکلې، پۀ هغې کښې يـې موضوع هم دا صفت جوړ کړے، هغوئي پۀ بارګاهِ رسالت کښې د دې شعرونو وئيلو عرض اوکړو:

[1]... تفسیر درمنثور، پارہ:10، سورۂ توبہ ، زیر آیت:40، جلد:7، صفحہ:371۔

Important

Mobile Apps

Contact Us