اَصْحٰبِ الْجَنَّةِؕ-وَعْدَ الصِّدْقِ الَّذِیْ كَانُوْا یُوْعَدُوْنَ(۱۶)(پارہ:26، سورۂ اَحْقَاف:16)

صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم  صَلَّی اللہُ عَلَیْہِ وَ آلِہٖ وَسَلَّم  

تَرْجمۂ کَنْزُالعِرْفان: یہی وہ لوگ ہیں جن کے اچھے اَعْمال ہم قُبول فرمائیں گے اور اِن کی خطاؤں سے دَرگزر فرمائیں گے، یہ لوگ جنّت والوں میں سے ہوں گے۔یہ سچّا وعدہ ہے جو اِن سے کیا جاتا تھا۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

ذِکْرِ صِدّیقِ اَکْبَر  رَضِیَ اللہُ عنہ  

پیارے اسلامی بھائیو! اَلحمدُ للہ ! جُمَادَی الْاُخْریٰ کا مہینا(Month) جاری ہے، اِس ماہِ مبارَک کی 22 تاریخ کو مسلمانوں کے پہلے خلیفہ، یارِ غار و یارِ مزارِ مُصطفےٰ ، تاجدارِ صَداقت، حضرت ابوبکر صِدِّیقِ  رَضِیَ اللہُ عنہ   کا یوم مَنایا جاتا ہے۔

حضرت ابوبکر صِدِّیق  رَضِیَ اللہُ عنہ   بہت ہی بلند شان والے ہیں * آپ پہلے صحابی، بالغ مردوں میں پہلے مسلمان *پیارے آقا  صَلَّی اللہُ عَلَیْہِ وَ آلِہٖ وَ سَلَّم  کے اولین دوست *پہلے خطیبِ اسلام *پہلے مُبَلِّغِ اسلام *پہلے معینُ الدِّین (یعنی دِین کی مالی و جانی خِدْمت کرنے والے *پہلے بانئ مسجد (یعنی اسلام میں سب سے پہلے مسجدِ بیت بنانے والے) *پیارے آقا، مکی مَدَنی مصطفےٰ  صَلَّی اللہُ عَلَیْہِ وَ آلِہٖ وَ سَلَّم  کے وزیرِ خاص *فرشتوں کی گفتگو سننے والے *امامُ الانبیا  صَلَّی اللہُ عَلَیْہِ وَ آلِہٖ وَ سَلَّم  کی ظاہِری زندگی ہی میں نَمازوں کی اِمامت فرمانے والے *اللہ پاک، محبوبِ خُدا  صَلَّی اللہُ عَلَیْہِ وَ آلِہٖ وَ سَلَّم   اور جبریلِ امین سے صِدِّیق لقب پانے والے *مسلمانوں