حرام سے مسجد اقصیٰ تک سیر کرائی۔

اے عاشقانِ رسول ! مِعْراج ہمارے آقا ومولیٰ، مُحَمَّد مصطفےٰ  صَلَّی اللہ عَلَیْہِ وَ آلِہٖ وَ سَلَّم  کا عظیم اور منفرد معجزہ ہے، ہمارے پیارے نبی، مکی  مَدَنی، مُحَمَّد عربی  صَلَّی اللہ عَلَیْہِ وَ آلِہٖ وَ سَلَّم  مَکَّہ مُکَرَّمَہ میں حضرت اُمِّ ہانی   رَضِیَ اللہ عنہا  کے گھر آرام فرما تھے، اچانک چھت (Roof)کُھل گئی، فرشتوں کے سردار حضرت جبریلِ امین  عَلَیْہِ الْسَّلام  حاضِر ہوئے، اللہ پاک کا پیغام (Message) سُنایا، معراج کی خوش خبری (Good News)سُنائی، سرکارِ عالی وقار، مکی مَدَنی تاجدار  صَلَّی اللہ عَلَیْہِ وَ آلِہٖ وَ سَلَّم  بُراق پر سُوار ہوئے، مسجدِ اَقْصیٰ میں تشریف لائے، یہاں انبیائے کرام  علیہمُ السَّلام  کی اِمامت فرمائی، پھر آسمان کی طرف رُخْ فرمایا، ساتوں آسمانوں سے گزرتے ہوئے سدرۃُ المنتہیٰ پر تشریف لے گئے، پھر سِدْرۃُ المنتہیٰ سے لامکاں پہنچے، عین بیداری میں سَر کی آنکھوں سے اللہ پاک کا دیدار کیا، اتنے ہزاروں لاکھوں کلومیٹر کا سَفَر طَے کر کے واپس بھی تشریف لے آئے اور ابھی رات کا کچھ ہی حِصَّہ گزرا تھا، علما فرماتے ہیں: جب حُضُورِ اکرم، جانِ عالَم  صَلَّی اللہ عَلَیْہِ وَ آلِہٖ وَ سَلَّم  واپس تشریف لائے، بستر مبارک ابھی گرم تھا اور دروازے کی زنجیر بھی ہِل رہی تھی۔^([1])

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

سفرِ معراج میں سیکھنے کی باتیں

پیارے اسلامی بھائیو! پیارے آقا، مکی مَدَنی مصطفےٰ  صَلَّی اللہ عَلَیْہِ وَ آلِہٖ وَ سَلَّم  کا سفرِ معراج کئی واقعات (Incidents) کا مجموعہ ہے، یہ صِرْف ایک معجزہ نہیں بلکہ اس میں کئی ایک معجزات