فَرَزْدَق نے کہا: بدتَرِین میں ہوں۔ جب اس کا انتقال ہوا تو کسی نے خواب میں دیکھا، پوچھا: کیا گزری؟ کہا: مجھے اللہ پاک کی بارگاہ میں پیش کیا گیا۔ اعمال نامہ کھلا، اس میں گُنَاہ گِنے گئے، اب میں سوچ رہا تھا کہ میں تو ہلاک ہو گیا۔ (مگر رَبِّ رحمٰن کی رحمت پر قربان) رَبِّ دوجہان نے فرمایا: جاؤ! میں نے تمہیں اسی وقت بخش دیا تھا جب تُو نے خُود کو بَد تَر سمجھا تھا۔^([1])

سُبْحٰنَ اللہ! غرض ہم نے یہ دونوں کام کرنے ہیں: (1):عبادت کثرت کے ساتھ کرنی ہے (2):اور اپنی عِبَادت کو کچھ سمجھنا بھی نہیں ہے۔بَس اللہ پاک کی رحمت پر نگاہیں جمائے رکھنی ہیں۔

(3):صِرْف رَبّ کے ہو جاؤ!

پیارے اسلامی بھائیو! اللہ پاک کا حقیقی بندہ یعنی صحیح معنوں میں عَبْدُ اللہ بننےکیلئے تیسری بات یہ ضروری ہے کہ بندہ ہر چیز سے کٹ کر صِرْف رَبّ کا ہو جائے۔ معراج شریف کی روایات میں ہے: جب سرکارِ عالی وقار، مکی مَدَنی تاجدار  صَلَّی اللہ عَلَیْہِ وَ آلِہٖ وَ سَلَّم  اللہ پاک کی بارگاہ میں حاضِر ہوئے تو اللہ پاک نے فرمایا: اے پیارے محبوب  صَلَّی اللہ عَلَیْہِ وَ آلِہٖ وَ سَلَّم ! اَنَا وَ اَنْتَایک میں ہوں، ایک آپ ہیں۔ وَ مَا سِوَاکَ خَلَقْتُ لِاَجَلِکَ آپ کے عِلاوہ کائنات میں جو کچھ ہے، وہ سب میں نے آپ کے لئے پیدا کیا ہے۔^([2])

سُبْحٰنَ اللہ ! کیا شان ہے میرے آقا  صَلَّی اللہ عَلَیْہِ وَ آلِہٖ وَ سَلَّم  کی...!! اللہ پاک کی آپ سے محبّت دیکھئے! اللہ پاک کے سِوا جو کچھ بھی ہے، زمین، آسمان، چاند، ستارے، سورج، یہ کہکشائیں (Galaxies)، یہ سہانی فضائیں، انسان، جنّ، فرشتے سب کچھ اللہ پاک نے اپنے