کومې خوبيانې ورکړے شوې دي، دا اشرف المَخلوقات جوړ کړے شوے دے، پۀ دې کښې چې کومه د ټولو نه بنيادي خوبي ده هغه پۀ اصل کښې اِنسان اشرف المَخلوقات او د خِلافت د منصب حقدار جوړوي، هغه عِلم دے،  لهذا مونږ له پکار دي چې مونږ هم ضرور بالضرور عِلمِ دِين زده کړو۔

هُم علمائے کرام د انبيائے کرامو علَيهِمُ السَّلام وارثان وي

شیخ ابن عربي رَحْمَةُ اللهِ عَلَيْه ليکلي دي: اِنسانان پۀ دوه قِسمه دي: (1): يو اِنسان خو هغه دے کوم ته چې حيوانِ ناطِق (يعنې خبرې کوونکے او شعور لرونکے ساه والا) وئيلے شي، هر هٰغه کَس کوم چي د حضرت آدم عَلَیْهِ السَّلَام پۀ اولاد کښې دے، هغه حيوانِ ناطِق دے۔ (2): دويم وي کامِل اِنسان، دا پۀ اصل کښې هغه دے کوم چې د خِلافت حقدار دے، کوم ته چې اَشْرَفُ الْمَخْلُوْقَات وئيلے شوے دے، هم دا پۀ اصل کښې اِنسان دے۔

او دا کامِل اِنسان وي څوک؟ فرمائي: د ټولو نه کامِل اِنسانان انبيائے کرام علَيهِمُ السَّلام دي، بيا د دوئي نه پس هٰغه انسانان کمال ته رسيږي کوم چې د انبيائے کرامو علَيهِمُ السَّلام وارثان وي۔ ^([1]) د انبيائے کرامو علَيهِمُ السَّلام وارثان څوک دي؟ حديثِ پاک دے، رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: اِنَّ ‌العُلَمَاءَ ‌وَرَثَةُ الاَنْبِيَاءِ، اِنَّ الاَنْبِيَاءَ لَمْ يُوَرِّثُوا دِينَارًا وَلَا دِرْهَمًا اِنَّمَا وَرَّثُوا العِلْمَ بے شکه علمائے کرام د انبيائے کرامو علَيهِمُ السَّلام وارثان دي، بے شکه انبيائے کرام علَيهِمُ السَّلام پۀ ميراث کښې درهم او دينارونه نۀ پريږدي بلکې صرف او صرف عِلم پريږدي۔ ^([2])

خوږو او محترمو اِسلامي وروڼو! د دې نه معلومه شوه چې پۀ اصل کښې کامِل انسان، هٰغه  دے څوک  چې د خِلافت حقدار دے، اشرف المَخلوقات دے، او هغه  صاحبِ