Share this link via
[د حضرت آدم عَلَیْهِ السَّلَام د عِلم وُسعت [پراختيا
پۀ دُنيا کښې د اول نه تر د اخرت پورې پۀ لکونو ژبې وئيلے کيږي او د هرې ژبې حروف او الفاظ بيل بيل دي، د کومې نتيجه چې دا شوه چې پۀ دُنيا کښې پۀ کروړونو څيزونه دي او د هر څيز پۀ لکونو صفتونه او د هر صفت پۀ لکونو نومونه، بيا د نوم د ليکلو او د وئيلو لکونه طريقې دي مثلا اوبو ته پۀ اُردو کښې پانی، پۀ فارسۍ کښې آب، پۀ عربۍ کښې مَاءٌ، پۀ هندۍ کښې جَل، پۀ انګريزۍ کښې واټر او پته نۀ لګي چې پۀ کومه کومه ژبه کښې به ورته څۀ څۀ وئيلے کيږي؟ بيا د دې اوبو پۀ زرګونو حالتونه او قِسمونه دي، مثلاً يخې، ګرمې، صفا، ګنده، تروې، خوږې، درنې، سپکې، ټينګې، نرۍ، سپينې، تورې وغيره (پۀ مختلفو ژبو کښې د دې ټولو حالتونو بيل بيل نومونه دي) دا ټول علوم حضرت آدم عَلَیْهِ السَّلَام ته ورکړے شو ([1]) او علمائے کرامو ليکلي چي آدم عَلَیْهِ السَّلَام ته د 7 لاکهه ژبو عِلم ورکړے شو او هغوئي پۀ زرو [1000] پيشو کښې ښۀ ماهر وو۔ ([2])
اَللہُ اَکْبَر! لږ سوچ خو اوکړئ چې د دې عِلم څۀ حَد هم شته۔۔۔!! اِمامِ رازي رَحْمَةُ اللهِ عَلَيْه د دې عِلمُ الاَسمَاء د پراختيا نه نوره پرده اوچته کړې ده، هغوئي فرمائي: اَسمَاء د اِسم جمع ده او د اِسم يوه معنیٰ پيژندګلوهم وي، بيا به مطلب دا جوړيږي چې الله پاک حضرت آدم عَلَیْهِ السَّلَام ته د ټولو څيزونو د حقيقتونو عِلم هم ورکړو ([3]) مثلاً د اوبو فارمولا څۀ ده؟ H2O يعنې دوه حصې چې هائيډروجن او يوه حصه اکسيجن وي نو اوبه ترينه جوړيږي، دا د اوبو حقيقت دے، دغه شان د هر يو څيز حقيقت، د دې خاصيت مثلاً د اوبو څۀ څۀ طِبي فائدې دي؟ څۀ څۀ نقصانونه دي؟ کوم يو بوټے د کوم کار د پاره دے؟ د کوم يو څيز فائده څۀ ده؟ نقصان يـې څۀ دے؟ د دې ټولو خبرو عِلم الله پاک حضرت آدم عَلَیْهِ السَّلَام ته ښودلے وو۔
BOOK TOPIC
- د دُرُودِ پاک فضيلت
- د آيتونو مبارکو خُلاصه
- د آيتونو مبارکو نه حاصليدونکي سبقونه
- د حضرت آدم عَلَیْهِ السَّلَام د عِلم وُسعت (پراختيا)
- د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم د عِلم وسعت (پراختيا)
- شيطان او د انبيائےکرامو عَلَیْهِم السَّلَام عِلم
- د عِلمِ دِين فضائل
- هُم علمائے کرام د انبيائے کرامو علَيهِمُ السَّلام وارثان وي
- د علمائے کرامو درجې اوچتولے کيږي
- د 72 صِدِّیقينو ثواب
- عِلمِ دِين زده کول ولې ضروري دے؟
- هُم عِلمِ دِين زده کول ولې ضروري دي؟
- د عِلم پۀ برکت اخلاقي جوړ شو
- دعوتِ اِسلامي او د عِلمِ دِين وده
- صحيح څۀ دي؟
- د اَسمَاءُ الـحُسنیٰ برکتونه (وظيفه)
