د جَمعې د نـمونځ سره د نيکانو خلقو محبت

* د حضرت عبد الله بن عُمر رَضِىَ اللهُ عَـنْهما نه به چې کله (د شرعي مجبورۍ پۀ وجه) جَمعه قضا شوه نو د بل نـمونځ پورې به يـې نفلونه کول۔ ^([1])* د حضرت سعيد بن عبد العزيز رَحْمَةُ اللهِ عَلَيْه نه به چې جَمعه قضا شوه نو خپله ږيره به يـې نيوله او ژړل به يـې۔ ^([2]) * د حضرت محمد بن سِمَاعه رَحْمَةُ اللهِ عَلَيْه نه پۀ 40 کالو کښې صرف يو ځل تکبير اُولیٰ قضا شوے وو۔ ^([3]) * د تابعي بزرګ حضرت سعيد بن مسيب رَحْمَةُ اللهِ عَلَيْه نه پۀ 40 کالو کښې يو ځل هم جَمعه نۀ وه قضا شوې۔ ^([4]) * د حضرت اَعمش رَحْمَةُ اللهِ عَلَيْه نه پۀ 70 کالو کښې چرې هم تکبير اُولیٰ نۀ وو قضا شوے۔ * حضرت يحییٰ بن سعيد قَطان رَحْمَةُ اللهِ عَلَيْه د جَمعې پۀ لټون کښې چرې هم نۀ دے ليدلے شوے (يعنې د هغوئي نه به هډو جَمعه نۀ قضا کيدله) * د حضرت سُوَيد بن غَفَله رَحْمَةُ اللهِ عَلَيْه عمر 126 کاله وو خو هغوئي به د نـمونځ کولو د پاره جومات ته تشريف وړلو۔ ^([5]) * اعلیٰ حضرت اِمامِ اهلسُنَّت، اِمام احمد رضا خان رَحْمَةُ اللهِ عَلَيْه د ماشومتوب نه د جَمعې سره د نـمونځ کولو پابند وو، يو ځل يـې د ښپې غټه ګوته پخه شوه، ډاکټر د حرکت کولو او جومات ته د تللو نه منع کړو، د دې باوجود به هم اعلیٰ حضرت رَحْمَةُ اللهِ عَلَيْه د جَمعې سره نـمونځ کولو، څلورو کسانو به پۀ کرسۍ باندې کښينولو او اعلیٰ حضرت رَحْمَةُ اللهِ عَلَيْه به يـې جومات ته بوتللو۔ ^([6]) * د بهارِ شريعت مصنف مفتي امجد علي اعظمي رَحْمَةُ اللهِ عَلَيْه د جَمعې سره د نـمونځ کولو پۀ سختۍ سره پابند وو، که