Book Name:Achay Logon Ki Nishaniyan
د بني اسرائيلو د يو عبادت ګزار واقعه
خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائي: پۀ مخکښينو اُمتونو کښې جُرَيج نومې يو کَس وو،ډيرعبادت ګزار وو۔
وضاحت اوکړم: دې حضرت جُرَيج رَحْمَةُ اللهِ عَلَيْه د الله پاک پۀ بارګاه کښې ډير لوئي مقام لرلو۔ پۀ بعضې روايتونو کښې دا هم دي چې دۀ به مخکښې تجار ت کولو، هغه به کله پۀ تجارت کښې ګټه اوکړه او کله نقصان۔ يو ځل هغۀ سوچ اوکړو چې پريږده! هٰغه تجارت کووم پۀ کوم کښې چې هډو نقصان نۀ وي۔ نو هغۀ خپله يوه عبادت خانه جوړه کړه او پۀ عبادت کښې مصروف شو۔ ([1])
سُبْحٰنَ اللہ! څومره زبردسته خبره ده۔ الله پاک دې زمونږ داسې سوچ نصيب کړي۔ خير! ما حديث شريف بيانولو: رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم وفرمائيل: يو ځل حضرت جُرَيج رَحْمَةُ اللهِ عَلَيْه پۀ خپله عبادت خانه کښې عبادت کولو، د هغوئي مور هلته راغله۔ اواز يـې ورته اوکړو: اے جُرَيجه۔۔۔!! دۀ نـمونځ کولو۔ پۀ زړه کښې يـې سوچ اوکړو چې يا الله! يو طرف ته نـمونځ دے او بل طرف ته مور ده، څۀ اوکړم؟ لږ سوچ يـې اوکړو او فيصله يـې اوکړه چې نـمونځ ډير اهم دے۔ نو هغۀ نـمونځ جاري وساتو۔ مور جانې يـې بيا اواز اوکړو: اے جُرَيجه! حضرت جُرَيج رَحْمَةُ اللهِ عَلَيْه جواب ورنکړو۔ مور پۀ دريم ځل اواز ورکړو۔ هغوئي بيا هم پۀ نـمونځ کښې مشغول وو۔ اخر يـې مور پۀ غصه کښې ووئيل: خُدائے دې تا له د هٰغه وخته پورې مرګ نۀ راولي، د څو پورې چې تۀ د بد کارې زنانه مخ اونۀ وينې۔۔۔!!
د مور دُعا خو بيا د مور دُعا ده۔ نو يو وخت راغلو، يوې بد کارې زنانه د يو شپونکي سره بد کاري اوکړه، ماشوم يـې پيدا شو نو د هغې اِلزام يـې پۀ حضرت جُرَيج رَحْمَةُ اللهِ عَلَيْه