Book Name:Achay Logon Ki Nishaniyan
نظر عطا کوي، هغوئي ته هم د غيبو عِلم ورکولے کيږي، دوئي هٰغه څۀ ليدے شي کوم چې عام خلق نشي ليدے، دوئي د هٰغه څيز نه هم خبر وي، کوم چې عامو خلقو ته معلوم نۀ وي۔
اَولیا ہیں سب سَلاطیں ہم رِعَایا و غُلام
اَوْلیا سب ہیں رعیت اور سُلطاں غوثِ پاک
هر ځليدونکے څيز سرۀ زر نۀ وي
خوږو او محترمو اِسلامي وروڼو! د دې حديثِ پاک نه يوه اهمه خبره کومه چې د زدکړې د پاره ميلاؤيږي، هغه دا چې زمونږ په نزد د نيکۍ او د بدۍ معيار جُدا دے او د الله پاک پۀ نزد جُدادے۔ مونږ خلق ظاهر ته ګورو، بنده ډير مالداره دے، د هغۀ پۀ ليدو زمونږ پۀ زړۀ کښې لالچ راځي * د چا کاروبار چې ښۀ وي، ورځ پۀ ورځ ښۀ کيږي، مونږ وايو: پۀ هغه باندې د خُدائے لوئي فضل دے۔ دا هم کيدے شي چې پۀ هغۀ باندې د الله پاک فضل وي خو د دې اُلټا هم کيدے شي * څوک غريب چې مالداره شي، مونږ وايو: پۀ دۀ خُدائے ډير مهربانه دے۔ که څوک مالداره غريب شي نو مونږ وايو: د دۀ نه ضرور څۀ ګناه شوې ده، الله پاک د دۀ نه سخت ناراضه دے۔
يعنې مونږ ظاهري شان او شوکت او عزت او شهرت ته ګورو۔ خو ياد ساتئ لکه چې څنګه هر ځليدونکے څيز سرۀ زر نۀ وي، هُم داسې هر دُنيائي شان او شوکت، عزت او شهرت د الله پاک پۀ نزد د قبوليت دليل نۀ وي۔
د الله پاک پۀ نزد د قبوليت دليل څۀ دے؟ مونږ چا ته وئيلے شو چې پۀ دۀ باندې خُدائے مهربانه دے؟ پۀ دۀ باندې د الله پاک ډير فضل دے؟ راځئ چې پۀ دې باره کښې يو آيت مبارک او يو څو حديثونه واورو: