Book Name:Achay Logon Ki Nishaniyan
د هندوستان د يو اِسلامي ورور څۀ داسې بيان دے چې زۀ د کفر پۀ تيارو کښې ورَک ووم، يوه ورځ راله چا د شيخِ طريقت، اميرِ اهلِسُنَّت حضرت علّامه مولانا ابو بلال محمد الياس عطّار قادري رضوي دَامَتْ بَرَکَاتُہُمُ الْعَالِیَه رساله احترامِ مسلم پۀ تحفه کښې راکړه۔ ما چې اولوستله نو حيران پاتې شوم چې کومو مسلمانانو ته به ما هميشه د نفرت پۀ نظر کتل د هغوئي مذهب اسلام دومره د امن پيغام ورکوي! د رسالې د تحرير اثر لکه د غشې زما پۀ زړۀ ولګيدو او پۀ زړۀ کښې مې اسلام کور وکړو۔ يوه ورځ ما پۀ بس کښې سفر کولو چې د يو څو ګيرو والؤ او عمامو والا اسلامي وروڼو قافله هم بس ته را اوختله، ما ته پته ولګيده چې دا مسلمانان دي، زما پۀ زړۀ کښې د اسلام محبت پيدا شوے وو ځکه ورته ما پۀ درنه سترګه کتل، پۀ دې کښې يو اسلامي ورور د نبئ مکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم پۀ شان کښې نعت شريف شروع کړو، زما د هغۀ انداز ډير خوښ شو، زما پۀ شوق سره اوريدو ته چې يـې وکتل نو پۀ هغوئي کښې يو کَس زما سره خبرې شروع کړې۔ هغۀ ته پته ولګيده چې زۀ مسلمان نه يم، هغۀ پۀ مسکا ډير پۀ زړه پورې انداز کښې ما ته ووئيل، زۀ تاسو ته د اسلام قبلولو خواست کووم، زه د احترامِ مسلم رسالې لوستلو سره د مخکښې نه پۀ زړه کښې پۀ اسلام مئين شوے ووم، د هغۀ د محبت نه ډک انداز مې پۀ زړۀ باندې نور اثر هم وکړو او اَلْحَمْدُ لِلّٰہ! ما کلمه ووئيله او مسلمان شوم۔ ([1])
ترا شکر مولیٰ دیا دینی ماحول نہ چُھوٹے کبھی بھی خدا دینی ماحول
دعا ہے یہ تجھ سے دل ایسا لگا دے نہ چُھوٹے کبھی بھی خدا دینی ماحول([2])
صَلُّو ْا عَلَي الْحَبيب! صَلَّي الله عَلٰي مُحَمَّد