د ښو خلقو نخښې

نور څۀ عطا کيږي، پۀ دې باره کښې نور روايتونه هم دي، زۀ پۀ مختصر توګه هٰغه روايتونه عرض کووم:

ښۀ اخلاق نصيب کيږي

* خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: الله پاک چې د چا سره د نيکۍ اِراده وفرمائي، هغۀ ته ښۀ اخلاق ورعطا کړي۔ ^{(^[1])}

معلومه شوه چې نيک انسان هغه دے کوم چې د ښو اخلاقو والا دے۔

د نيکۍ توفيق ميلاؤيږي

* د نبيانو نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: الله پاک چې د چا سره د نيکۍ اِراده وفرمائي، هغه د خلقو محبوب جوړوي۔ آيا تاسو ته معلومه ده چې څنګه يـې محبوب جوړوي؟ الله پاک هغۀ ته د وفات کيدو نه مخکښې د نيک اعمال توفيق ورعطا کوي، بس د هغه ګاؤنډيان او ګير چاپيره اوسيدونکي د هغۀ نه راضي شي۔^{(^[2])}

قناعت او برکت ورعطا کولے کيږي

* محبوبِ خُدا، اَحمدِ مجتبیٰ صَلَّى اللهُ عَلَيْهِ وَاٰلِهٖ وَسَلَّم فرمائي: کله چې الله پاک د يو بنده سره د نيکۍ اِراده وفرمائي نو هغه پۀ ورکړے شوي رزق باندې راضي کوي او پۀ هغې کښې ورته برکت ورعطا کوي۔ ^{(^[3])}

معلومه شوه چې الله پاک چې چاته څۀ عطا کړي دي، څوک چې پۀ هغې باندې راضي دے، هغه نيک انسان دے۔ د نور زياتولو طلبګار دے، بيا که هغه کروړ پتي وي، که ډير غريب وي، چې د الله پاک پۀ تقسيم باندې راضي نۀ دے نو هيڅکله نيک بنده نۀ دے۔

[1]...نوادر الاصول، الاصل التسعون و المائۃ، جلد:2، صفحہ:37۔

[2]...الاحاد و المثانی لابن ابی عاصم، جلد:3، صفحہ:315، حدیث:2340۔

[3]... الزہد لابن مبارک، فہرس ابواب زیادات الزہد، جز:5، صفحہ:461، حدیث:127۔

Important

Mobile Apps

Contact Us