Book Name:Achay Logon Ki Nishaniyan
د الله پاک نه د عافيت دعا کول پکار دي۔ بس الله پاک دې زمونږه عافيت نصيب کړي * او که ازميښت اوس راشي * معاشي تنګي راشي * کاروبار ودريږي * بيماريانې * پريشانۍ مو راګير کړي نو مونږ له صبر کول پکار دي او شُکر هم ادا کول پکار دي۔ الله پاک دې مونږ ته د عمل کولو توفيق راعطا کړي۔
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔۔
صَلُّو ْا عَلَي الْحَبيب! صَلَّي الله عَلٰي مُحَمَّد
(4):د الله د خپل بنده دپاره تحفه
خوږو او محترمو اِسلامي وروڼو! د نيک انسان يوه بله نخښه واورئ! رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: اِذَا اَرَادَ اللهُ بِعَبْدٍ خَيْرًا اَهْدَى لَهٗ هَدِيَّةً يعنې الله پاک چې کله د بنده سره د نيکۍ اراده وفرمائي نو د هغۀ طرف ته تحفه راليږي۔ پوښتنه اوکړے شوه: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! مَا تِلْکَ الْهَدِيَّةُ يعنې دا تحفه څۀ وي؟ اوئې فرمائيل: بِضَيْفٍ يَنْزِلُ بِهٖ بِرِزْقِهٖ وَيَرْحَلُ، وَقَدْ غُفِرَ لِاَهْلِ الْمَنْزِلِ يعنې الله پاک هغۀ ته ميلمه راليږي کوم چې خپل رزق د ځان سره راوړي خو کله چې ځي نو د کور والؤ بخښنه کوي۔([1])
سُبْحٰنَ اللہ! معلومه شوه چې د چا کره ميلمانۀ راځي، دا هم د الله پاک د طرف نه د خاص فضل او رحمت ميلاؤيدو نخښه ده۔ دلته بعضې خلق ميلمانۀ بوج ګڼي۔ دا بده خبره ده۔ ميلمه خو د ځان سره خپل رزق پخپله راوړي، زمونږ د پاره خو دا د مفتو غنيمت دے، چې مونږ د هغۀ ميلمستيا اوکړو، د هغۀ سره ښۀ سلوک اوکړو، ښۀ قدر او مدار يـې اوکړو نو اِنْ شَآءَ اللہُ الْکَرِیم! د بخښنې حقداران به جوړ شو۔