جوړيدې، د چا نه به خنزيران جوړيدل) خو د دې اُمت عذاب روحاني خَسف و مَسخ ده، مخکښې به وجودونه بدليدل، اوس زړونه بدليږي۔ ^([1]) الله پاک پۀ قرآنِ کريم کښې فرمائي:

وَ نُقَلِّبُ اَفْـٕدَتَهُمْ وَ اَبْصَارَهُمْ (پارہ:7، سورۀ الاَنْعَام:110)

ترجمهٴ کنزُ العِرفان: او مونږه به د هغوئي زړونه او د هغوئي سترګې واړوو۔

د الله پاک پناه! د الله پاک پناه! خوږو او محترمو اِسلامي وروڼو! پخپله غور اوکړئ چې پۀ کوم بنده باندې د الله پاک لعنت وريږي، د کوم د پاره چې تر ځناورو پورې د لعنت وريدو دعاګانې کيږي ، د چا چې زړونه واړولے شي نو داسې کَس به د دُنيا د ذِلت او د اخرت د عذاب نه څنګه بچ شي؟ د هغه پۀ زړۀ کښې به د عِلم نُور څنګه ځائے جوړ کړي؟ لهذا پۀ مونږ ټولو باندې لازم دي چې د ګناهونو نه، د الله پاک د نافرمانو نه، د نـمونځونو پريښودو نه، د جَمعې د قضا کولو نه، د سودي لين دين نه، د دروغو، غيبت، چغلۍ، وعده خلافۍ وغيره ګناهونو نه هر وخت ځان وساتو، د دې پۀ برکت به اِنْ شَآءَ اللہُ الْکَرِیم! زړۀ ته د ايمان نُور کوز شي، سينه به روښانه شي، بيا که الله پاک وغوښتل نو پۀ سجدو کښې به مزه هم راځي او پۀ تِلاوت کښې به هم زړۀ لګي۔ لهذا نن وخت دے، ښه دا دي چې نن بلکې هم اوس رښتونې توبه وکړو، ګناهونه پريږدو او پوخ نيت اوکړو چې * بيا به ګناه نۀ کوو * بيا به زمونږ نه هيڅ يو نـمونځ نۀ قضا کيږي * د رَمَضَانُ المُبَارَک روژې به هم پوره نيسو * که زکوٰة فرض شوے وي نو هغه به هم پوره پوره ادا کوو * پۀ مخ باندې به د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم سُنَّت بلکې د انبيائے کرامو علَيهِمُ السَّلام سُنَّت يعنې ګيره مبارکه هم پوره يو موټے پريږدو * د فلمونو ډرامو کتلو، د سندرو اوريدو پۀ ځائے به پۀ مَدَني چينل د عِلمِ دِين نه ډک پروګرامونه ګورو * نعتونه به اورو * تِلاوت به کوو او اورو به يې هم ۔ اِنْ شَآءَ اللہُ الْکَرِیم!